இன்று போலியோ சொட்டு மருந்து.

தமிழகம் முழுவதும் 5 வயதுக்குள்பட்ட 70 லட்சம் குழந்தைகளுக்கான இரண்டாம் தவணை போலியோ தடுப்பு சொட்டு மருந்து முகாம் ஞாயிற்றுக்கிழமை நடைபெறுகிறது.கடந்த ஜனவரி 20-ம் தேதியன்று தமிழகம் முழுவதும் நடைபெற்ற முதல் தவணை போலியோ முகாம் மூலம் 70 லட்சம் குழந்தைகளுக்கு சொட்டு மருந்து வழங்கப்பட்டது. தற்போது இரண்டாவது தவணையாக போலியோ சொட்டு மருந்து வழங்க தமிழக பொது சுகாதாரத் துறை ஏற்பாடு செய்துள்ளது.2 லட்சம் ஊழியர்கள்: தமிழகம் முழுவதும் சுகாதாரத் துறை ஊழியர்கள் உள்பட பல்வேறு துறைகளைச் சேர்ந்த 2 லட்சம் பேர் மூலம் குழந்தைகளுக்கு சொட்டு மருந்து வழங்கப்படுகிறது. இதற்காக ஆரம்ப சுகாகார நிலையங்கள், துணை சுகாதார நிலையங்கள், அங்கன்வாடி மையங்கள், பள்ளிகள், அரசு மருத்துவமனைகள் உள்ளிட்டஇடங்களில் மொத்தம் 40 ஆயிரம் மையங்கள் அமைக்கப்பட்டுள்ளன.