படித்துக் கொண்டே பணி: உடற்கல்வி ஆசிரியர் மீது வழக்கு பதிவு.

படித்து கொண்டே பணியில் இருந்த உடற்கல்வி ஆசிரியர் மீது போலீசார் வழக்கு பதிவு செய்துள்ளனர்.லாஸ்பேட்டை புதுப்பேட்டையை சேர்ந்தவர் சுஜித்ஜெயன் அலெக்ஸ் (25). கருவடிக்குப்பத்தில் உள்ள அரசு
உதவி பெறும் பள்ளியில் உடற்கல்வி ஆசிரியராக பணிபுரிந்து வருகிறார். இவர், பணியில் இருந்துகொண்டே போளூரில் உள்ள உடற்கல்வி கல்லூரியில் படித்து வருவதாகவும் அவர் மீது நடவடிக்கை எடுக்க வேண்டும் என்றும்,மணிபாலன் என்பவர் சென்னை ஐகோர்ட்டில் மனு தாக்கல் செய்தார்.விசாரித்த ஐகோர்ட், சுஜித்ஜெயன் அலெக்ஸ் மீது வழக்கு பதிவு செய்ய லாஸ்பேட்டை போலீசுக்கு உத்தரவிட்டது. அதன்படி, சுஜித்ஜெயன் அலெக்ஸ் மீது போலீசார் வழக்கு பதிந்து விசாரித்து வருகின்றனர்.