ராணுவப் பணி எழுத்து தேர்வு திருச்சியில் 600 பேர் பங்கேற்பு.

திருச்சியில் நேற்று நடந்த ராணுவப் பணிக்கான எழுத்து தேர்வில் 600 பேர் பங்கேற்றனர்.
இந்திய ராணுவப் பணியில் சிப்பாய், டெக்னிக்கல், ஸ்டோர் கீப்பர், பொதுப் பணி ஆகிய பிரிவுகளுக்கு ஆள் சேர்க்கும் முகாம் கடந்த ஃபிப்ரவரியில் கரூரில் நடந்தது. இதில் திருச்சி, கரூர், பெரம்பலூர், அரியலூர், நாகை, புதுக்கோட்டை, சிவகங்கை, திருவாரூர், தஞ்சை, ராமநாதபுரம், விருதுநகர், தூத்துக்குடி, கன்னியாகுமரி, திருநெல்வேலி ஆகிய மாவட்டங்களை சேர்ந்த ஆயிரக்கணக்கான இளைஞர்கள் பங்கேற்றனர்.இதன் பின்னர் உடற்தகுதி தேர்வு, சான்றிதழ் சரிபார்ப்பு ஆயிரம் பேருக்கு நடந்தது. இதில், 600 பேர் தேர்வு செய்யப்பட்டனர். இவர்களுக்கான எழுத்து தேர்வு நேற்று திருச்சி கண்டோன்மெண்ட் பிரதேச ராணுவ மைதானத்தில் நடந்தது. இதில், 600 பேர் பங்கேற்றனர். இதில் தேர்வு பெறுபவர்களுக்கு மருத்துவ பரிசோதனை மேற்கொள்ளப்படும் என ராணுவ அதிகாரிகள் தெரிவித்தனர்.