TET case இன்று judgement -ஓட்டு வங்கி அரசியல்

இதை இப்படித்தான் ஆரம்பிக்க வேண்டும் என்று நினைக்கிறேன்.இது அரசியல் பதிவு அல்ல.5% தளர்வுக்கு எதிரான கருத்தும் அல்ல.ஆனால் உண்மையை பிரதிபலிக்கும் பகுதி.


13 என்ற எண் ராசி இல்லாத எண் என்பது மேலை நாடுகளின் நம்பிக்கை.அந்த நம்பிக்கை நம் நாட்டிலும் பிரதிபலித்துள்ளது.நமக்கும் TET  தேர்வு மூலம் பக்க விளைவை ஏற்படுத்தியுள்ளது.

அறிவியல்,கணிதம் பிரிவுக்கு ஒரு வகையான வினாத்தாளும் தமிழ்,ஆங்கிலம்,வரலாறு,போன்றவற்றிற்கு ஒரு வகை வினாத்தாள் என அச்சிடப் பட்டு TET தேர்வு நடத்தப் படுகிறது

இது எந்த வகையில் ஏற்றுக்கொள்ள கூடியது என்று தெரியவில்லை.

ஆங்கிலம் படிப்பவர்களும் வரலாறு படிப்பவர்களும் எந்த வகையில் ஒத்த பிரிவினர் என்று தெரியவில்லை.

ஆங்கிலம் படிப்பவர்கள் ஆங்கில இலக்கண இலக்கியம்,இங்கிலாந்தின் வரலாறு,ஷேக்ஸ்பியர் நாடகம் போன்றவற்றை படிப்பார்கள்,

ஆனால் வரலாறு படிப்பவர்கள் இந்தியா வரலாறு,தமிழக வரலாறு,சுதந்திர போராட்டம்,உலக வரலாறு என அவர்களின் பாடப்பகுதி நீளும்.

இப்படி இருக்கும்போது இவர்களுக்கு தகுதி தேர்வு என்று வைக்கப்படும் தேர்வில் ஒரே மாதிரியான வினாக்களை கொடுத்து தேர்ச்சி பெற வேண்டும் என்பது என்ன நியாயம்?

 முதலில்  மொழியே வேறுபடுகிறதே.அவர் முழுக்க,முழுக்க ஆங்கிலம் படிப்பார்,இவர் முழுக்க முழுக்க தமிழில் வரலாறு படிப்பார்.இப்படி மாறுபட்டவர்களின் அறிவுத் திறனை ஒரே வினா கொண்டு சோதிப்பது எப்படி அறிவுடமையாகும்?

இப்படி ஒரே மாதிரி வினா கொண்டு சோதிக்கப்படும் தேர்வில் வெற்றிபெறுபவர் அனைவருக்கும் ஒரே எண்ணிக்கையில் தானே அதாவது வரலாறுக்கு 3000 பணியிடங்கள் என்றால் தமிழுக்கும் 3000 பணியிடங்கள் தானே ஒதுக்க வேண்டும்.அதுவும் கடைபிடிக்கப் படுவதில்லை.தமிழுக்கு 2000 பணியிடங்கள்,வரலாறுக்கு 4000 பணியிடங்கள்.

பிறகு ஏன் இதற்கு  பெயர் "தகுதி தேர்வு"  என பெயர் வைத்தார்கள்? ஆங்கில புலமை கொண்ட ஒருவனை ஆங்கில ஆசிரியராக்க கேட்கப்படும் 150 வினாக்களில் 60 வினா வரலாறு குறித்தும்,பூலோகம் குறித்தும் கேட்கப்படுவது எந்த வகையில் பொருத்தமாகும்? ஆங்கில புலமை கொண்டவனை வரலாற்றில் அவனது தகுதியை சோதிப்பதுதான் தகுதி தேர்வா?

இது போன்று TET குறித்த உள் அம்சங்களை ஆராயும் போது இதன் தர்க்கமே தவறாக உள்ளது.

5% தளர்வு

2013 ஆம் ஆண்டில்TET தேர்வில் 90 மதிப்பெண்களுக்கு மேல் பெற்றவர்களுக்கு பிடிக்காத ஒரே வார்த்தை தளர்வாகத்தான் இருக்கும்.

ஆனால் அதிக கடின உழைப்பை மேற்கொண்டும்  ஏதேனும் சிறிய தவறால் 1 அல்லது 2 மதிப்பெண் குறைவாக பெற்று இன்னும் 1 மதிப்பெண் பெற முடியவில்லையே என்ற குற்ற உணர்ச்சியோடு இருந்தவர்களுக்கு தளர்வு என்ற வார்த்தை காதில் தேனாக பாய்ந்து இருக்கும்.

ஆனால் அவர்களை 90 க்கு மேல் பெற்றவர்கள் தகுதியற்ற ஆசிரியர்கள் என சிலர் comment எழுதுகின்றனர்.இது மிக அபத்தம்.1அல்லது 2 மதிப்பெண் குறைந்தவர்கள் தகுதியற்றவர்கள் என்பதும் 2 மதிப்பெண் கூடுதாக வாங்கிவிட்டதால் தகுதியுடையவர்கள் என்பதும் என்னை பொறுத்தவரை மடமை.

உண்மையில் இப்போது 90 மதிப்பெண் பெற்று CV முடித்து விட்டோம் அடுத்து பணி நியமனம் தான் மீதம் என்ற நிலையில் இருந்தவர்களை விட தளர்வினால் வெற்றி பெற்றோரே அதிக உத்வேகத்துடன் காணப்படுகின்றனர்.

weightage

 weightage என்பதை பொறுத்தவரை 80 க்கு மேல் weightage பெற்றுள்ளவர்களைத் தவிர மற்ற  அனைவர்களாலும் தவறான முறையாகவே பார்க்கப்படுகிறது.

+12,பட்டம்.பட்டயம் போன்ற மதிப்பெண்ணை கணக்கில் எடுத்து கொள்ள கூடாது.TET தேர்வு மதிப்பெண்ணை மட்டுமே கணக்கில் எடுத்து கொள்ள வேண்டும் என்பது சிலரின் வாதம்.82-89 பெற்றவர்களுக்கு 39 மதிப்பெண் வழங்க வேண்டும் என்பது  பலரின் வாதம்.இவையாவும்  தவறு weightage முறையில் slab முறை இல்லாமல் சதவிகத அடிப்படையில் கணக்கிடுவது மிக சரி என்பது என்னுடைய வாதம்.அதாவது
என்னுடைய TET மதிப்பெண் 102.அதனால் எனக்கு கொடுக்கப்படும் மதிப்பெண் 42.ஆனால் இதை 102/150*60=40.80 என கணக்கிட வேண்டும்.இதைப் போன்றே +12,பட்டம்,பட்டயம் என ஒவ்வொன்றையும் கணக்கிட்டால் ஒவ்வொருவரின் தனித்திறமை முழுயாக அளவிளடப்படும் என்பது எண் எண்ணம்.

 ஓட்டு வங்கி அரசியல்
 2014 ஆம் நாடாளுமன்றத் தேர்தல் காங்கிரசுக்கு மட்டுமல்ல TET தேர்வில் வெற்றி பெற்றவர்களுக்கும் சோதனையாகவே  அமைந்துள்ளது.

இப்பொழுது ராமதாஸ்,கஜேந்திர பாபு,கிரிஷ்ணமூர்தி 2012 ஆம் ஆண்டு NCTE யின் விதிப்படி எங்களுக்கு 5% தளர்வு வழங்க வேண்டும் என நீதிமன்றம் வரை சென்ற போது இதே நீதிமன்றம் அப்படியெல்லாம் சலுகை தர முடியாது என மறுத்த போது எங்கு சென்றார்கள் என்று தெரியவில்லை.

சரி அதன் பிறகாவது முயற்சித்து 2013 தேர்வு துவங்கும் போது 5% தளர்வு வழங்க வேண்டும் என போராடி இருக்கலாம், அல்லது சட்டசபையில் பேசியிருக்கலாம்.தேர்வு முடிந்து அதன் முடிவும் வெளியிடப்பட்டு அவர்களுக்கு CV யும் நடத்தப்பட்டு இறுதி கட்டத்தில் ஆட்டத்தை களைப்பது படுபாதக செயல் அல்லவா? சரி அப்படியே செய்தார்கள் 2012 ஆம் ஆண்டில் 82-89 பெற்றவர்கள் என்ன பாவம் செய்தார்கள்.நியாய தர்ம படி அவர்களுக்கும் பொருந்தும் என்றுதானே முதல்வர் அறிவித்து இருக்க வேண்டும்.அவர்களின் மீது இவருக்கு என்ன காழ்ப்புணர்ச்சி?

இதன் பெயர்தானோ ஓட்டு வங்கி அரசியல்?

இப்படி தொடந்த பரமபத விளையாட்டு இன்று( 29/04/2014) 2.15 மணிக்கு  நிறைவுபெறும் என சென்னை உயர்நீதிமன்றம் அறிவித்திருக்கிறது.

எது எப்படியோ எனக்கு ஒரு கற்பனை அடிக்கடி தோன்றுவது உண்டு.காமராஜர் ஆட்சியில் பனியமர்த்தப் பட்ட 50,000 ஆசிரியர்கள் ஒட்டுமொத்தமாக ஓய்வு பெறப்போகிறார்கள் என்ற செய்தி காற்று வாக்கில் வந்து செல்கிறது.அந்த செய்தி உண்மையாக இருக்க வேண்டும்.அதன் மூலம் 2013 இல் மட்டுமல்ல 2012 இல் 82-89 பெற்றவர்களுக்கும் பணி நியமனம் வழங்க வேண்டும். இது நினைவாக வேண்டும். நாம் நம்முடைய இறைவனை பிரார்திப்போம் யாவும் நன்றாக இருக்க வேண்டு என்று.

உங்களுக்கு உடல் வெயிலால் தகிக்கிறது என்பதற்காக கொடநாடு சென்று உள்ளீர்கள்.எங்களுக்கோ உடலோடு மனமும் உங்களால் தகிக்கிறது முதல்வரே!

வருவீர்களா?நீங்கள் வருவீர்களா?-உங்கள் கையால்
பணியைத் தருவீர்களா? நீங்கள் தருவீர்களா?

இதில் யாராவது பாதிக்கும் படி எழுதியிருந்தால் மன்னிக்கவும்.
அன்புடன் மணியரசன்.