ஆனந்த கொண்டாட்டம்

 இந்திய வரலாற்றில் இதுவரை பதிவாகாத வெற்றியை பாரதீய ஜனதா பார்ட்டி பதிவு செய்துள்ளது.

சொல்கிறார்கள் ராஜிவ்காந்தி காலத்தில் 404 தொகுதிகளில் காங்கிரஸ் வென்று சாதனை படைத்ததாம்.தேசிய அளவில்  காங்கிரஸ் மட்டுமே அப்பொழுது தெரிந்தது.மாநில கட்சிகளின் தாக்கம் மக்களிடம் சென்று அடையாத காலத்தில் வெல்வது ஒன்றும் வீரதீர செயல் அல்ல.

தமிழகத்தில் எம்‌ஜி‌ஆர் காலத்தில் கூட தனித்து நின்று பெற முடியாத வெற்றியை  ஜெயலலிதா தனித்து நின்று சாதித்துள்ளார்.

இந்த வெற்றிக்கு யார் காரணம்?

 BJP க்கு மோடியும் AIADMK விற்கு  ஜெயலலிதா மட்டுமா காரணம்.தத்தம் இவர்களின் வெற்றிகளுக்காக இவர்கள் பாடுபட்டாலும் காங்கிரஸின் உலக மகா ஊழலும்,திமுகவின் அயோக்கியத்தனத்தோடு கூடிய ஊழலுமே இந்த இரு கட்சிகளின் இமாலய வெற்றிக்கு காரணம்.

தேசிய அளவில் மோடியை நிதிஷ்குமார், மம்தா பேனர்ஜி,முலாயம் சிங் யாதவ்,இரு கம்யூனிஸ்ட் பார்ட்டிகள் என அனைத்தும் மோடி பிரதமராக வரக்கூடாது. அவர் ரத்தக்கறைபடிந்தவர்,மதவாதி,தகுதியற்றவர்,சர்வாதிகாரப் போக்கை கடைபிடிப்பவர் என பல கோணங்களில் காங்கிரசோடு சேர்ந்து இந்த மாநில கட்சிகளும் விமர்சித்தன.ஆனால் இந்த விமர்சனங்கள் அனைத்தையும் தவிடு பொடியாக்கி  தன் சுனாமி அலையால் அவர்களை தூக்கி எரிந்துள்ளார் மோடி.

நம் மாநில அளவில் AIADMK யாருடைய தயவும் இல்லாமல் தனித்து நின்று திமுக என்னும் கட்சியை திக்கற்ற கட்சியாக மாற்றியுள்ளது.நாம் ஒன்றை உன்னிப்பாக கவனிக்க வேண்டும் தமிழக சட்ட மன்ற வரலாற்றிலேயே 1967 முதல் எதிர்கட்சி அல்லது ஆளும் கட்சியாக இருந்த திமுக கடந்த சட்ட மன்ற தேர்தலின் போது எதிர்கட்சி அந்தஸ்த்தை கூட பிடிக்க முடியவில்லை.

அப்பொழுது சொன்னார்கள் மக்கள் தவறான முடிவை எடுத்து விட்டார்கள்.எனவே அவர்கள் ஜெயலலிதா ஆட்சியில் அனுபவிப்பார்கள் என்று கூறினார் திமுகவின் நட்சத்திர(?) நாயகி குஷ்பூ.இப்பொழுது ஸ்டாலின் சொல்கிறார் எங்களின் இலக்கு சட்டமன்ற தேர்தால்தான்.

தளபதி ஸ்டாலின் அவர்களே,இலக்கே இல்லாத ஒரு தேர்தலுக்கு எதற்காக வேட்பாளர்களை நிறுத்தினீர்கள்? எதற்காக சுட்டெரிக்கும் வெயிலில் தமிழகம் முழுவதும் சுற்று பயணம் செய்தீர்கள்?  1000 கோடிக்கும் மேல் செலவு செய்தது எதற்காக  தளபதி?

தேர்தலுக்கு பின் வெளியான கருத்து கணிப்பை ஜெயலலிதாவிற்கு பயந்து இப்படி ஊடகம் எழுதியுள்ளது என்றார்.தேர்தல் முடிவு கூடவா ஜெயலலிதாவிற்கு பயந்து அவர்கள் வெற்றி பெற்று விட்டார்கள் என்று அறிவித்து விட்டார்கள்?

33340 நோட்டா  வாக்கு பதிவாகி இருக்கிறது நீலகிரி தொகுதில்.மக்களின் இந்த முடிவு எதையோ தெள்ள தெளிவாக குறிக்கிறது.ஆ ராசா தியாகி என்று சொல்லும்  திராணி  உங்களுக்கு மட்டும் தான் இருக்கிறது.

இந்த தேர்தலின் முடிவு BJP,காங்கிரசுக்கு அடுத்த  படியாக அதிமுக தான் தேசிய அளவில் பெரிய கட்சியாக உருவெடுத்துள்ளதை உறுதிபடுத்துகிறது.

நான் BJP யை தூக்கி பிடிக்கவில்லை.காங்கிரசை அழிக்க வேண்டும்.என் இனமும் மொழியும் இலங்கையில் அழிந்தது.

மக்களின் வரிப்பணத்தில் லட்சம் கணக்கான கோடிகளை கொள்ளையடித்தார்கள்.

2G ஊழல்,நிலக்கரி ஊழல்,ஆதர்ஷ் ஊழல்,common wealth ஊழல் (தலை சுத்துங்க)

அதை நடதியவர்கள் காங்கிரஸ். அதற்கு திமுகவும் உடந்தை.அதனால் அதை எதிர்க்க வேண்டும்.இதுதான் என் உண்மையான வெளிப்பாடு

இன்று இதுவரை காணாத அளவுக்கு பங்கு சந்தையில் பங்குகளின் மதிப்பு உயர்ந்துள்ளது.பணவீக்கம் குறைந்துள்ளது.மோடி ஆட்சிக்கு வரும் முன்னரே அவரின் மந்திரம் வேலை செய்ய ஆரம்பித்தது விட்டது.

 சிங்கம் சில நாட்களாக  நாடு முழுவதும் கர்ஜித்தது.இப்பொழுது காங்கிரஸை வேட்டையாடி உள்ளது.

வணங்குகிறோம் மோடி.