ஆசிரியர்களின் கோரிக்கைகளை தமிழக அரசு நிறைவேற்ற ஜி.கே.வாசன் வலியுறுத்தல்

அரசு மற்றும் அரசு உதவிபெறும்பள்ளிகளில் பணிபுரியும் ஆசிரியர்களின் கோரிக்கைகளை, தமிழக அரசு நிறைவேற்ற வேண்டும் என்று, தமிழ் மாநில காங்கிரஸ் தலைவர் ஜி.கே.வாசன்வலியுறுத்தியுள்ளார்
.மத்திய அரசுக்கு நிகரான ஊதியத்தை வழங்கிட வேண்டும் என்ற தமிழக ஆசிரியர்களின் கோரிக்கையை நிறைவேற்ற வேண்டும் என்றும் வாசன் கேட்டுக்கொண்டுள்ளார்.

பதவி உயர்வு இல்லாமல், 30 ஆண்டுகள் பணியாற்றிய ஆசிரியர்களுக்கு 6 விழுக்காடு ஊதிய உயர்வு வழங்க வேண்டும்என்பன உள்ளிட்ட கோரிக்கைகளை ஆசிரியர்கள் வலியுறுத்தி வருவதாகவும் ஜி.கே.வாசன் சுட்டிக்காட்டியுள்ளார்.இவற்றை முன்வைத்து, வருகிற ஒன்றாம் தேதி, மூன்றாம் கட்ட போராட்டத்தில் ஆசிரியர்கள் ஈடுபட இருப்பதாக அவர் தெரிவித்துள்ளார். எனவே, இனியும் காலம் தாழ்த்தாமல், ஆசிரியர்களுடன் நேரடியாக பேச்சுவார்த்தை நடத்தி தமிழக அரசு தீர்வுகாண வேண்டும் என்றும் ஜி.கே.வாசன் வேண்டுகோள் விடுத்திருக்கிறார்.