தொழிற்கல்வி ஆசிரியர் இயக்கங்கள் அக்.31-இல் உண்ணாவிரதம்

தொழிற்கல்வி ஆசிரியர்கள் 10 அம்சக் கோரிக்கைகளை வலியுறுத்தி சென்னையில் அக்டோபர் 31-ஆம் தேதி அடையாள உண்ணாவிரதத்தை மேற்கொள்கின்றனர்.இதுதொடர்பாக தமிழ்நாடு மேல்நிலைப் பள்ளி தொழிற்கல்வி ஆசிரியர் இயக்கங்களின் கூட்டமைப்பின் மாநில அமைப்பாளர் செ.நா.ஜனார்த்தனன் வெளியிட்ட அறிக்கை:


கூட்டமைப்பின் மாநிலப் பொதுக்குழுக் கூட்டம் அண்மையில் திருச்சியில் நடைபெற்றது. இதில் தொகுப்பூதிய காலத்தை கணக்கிட்டு ஓய்வூதியம் வழங்குதல், பதவி உயர்வில்லா பணியிடங்களுக்கு தேர்வுநிலை தர ஊதியம் நிர்ணயித்து நிதித்துறை பிறப்பித்துள்ள உத்தரவின்படி தொழிற்கல்வி ஆசிரியர்களுக்கு நடைமுறைப்படுத்தக் கோருதல் உள்ளிட்ட 10 அம்ச கோரிக்கைகளை வலியுறுத்தி வரும் அக்டோபர் 31-இல் சென்னை சேப்பாக்கம் அரசு விருந்தினர் மாளிகை எதிரில் ஒரு நாள் அடையாள உண்ணாவிரதம் நடத்துவது என ஏகமனதாக தீர்மானம் நிறைவேற்றப்பட்டது.