கியாஸ் சிலிண்டர் டெலிவரியின் போது பில் தொகையை மட்டும் கொடுத்தால்போதும்: இந்தியன் ஆயில் நிறுவனம் அறிவிப்பு

சமீபகாலமாக சென்னையில் மட்டும் அல்லாது தமிழ்நாட்டின் பல பகுதிகளில்‘இண்டேன்’ கியாஸ் சிலிண்டர்களை டெலிவரி செய்யும் போது ‘பில்’ தொகையைவிட கூடுதலாக ரூ.40 முதல் ரூ.60 வரை வசூலிக்கப்படுவதாக இல்லத்தரசிகள் மத்தியில் புகார் எழுந்தது.இதுகுறித்து,


நாளிதழில் நேற்று (புதன்கிழமை) ‘சென்னையில் வீடுகளுக்கு கியாஸ் சிலிண்டர்கள் சப்ளை செய்ய ரூ.60 வரை கூடுதல் கட்டணம் வசூல், இந்தியன் ஆயில் நிறுவனம் நடவடிக்கை எடுக்க இல்லத்தரசிகள் கோரிக்கை’ என்ற தலைப்பில் செய்தி பிரசுரிக்கப்பட்டது. இந்த செய்தியின் எதிரொலியாக, இந்தியன் ஆயில் நிறுவனம் சில நடவடிக்கைகளை எடுத்துள்ளது. இதுகுறித்து இந்தியன் ஆயில் நிறுவன தலைமை தகவல் தொடர்பு மேலாளர் சபீதா நட்ராஜ் நேற்று ஒருகடிதம் அனுப்பியுள்ளார். அந்த கடிதத்தில் சபீதா நட்ராஜ் கூறி இருப்பதாவது:-சமையல் கியாஸ் சிலிண்டர்களை வீடுகளுக்கு டெலிவரி செய்ய வரும்போது, அதை கொண்டு வருபவர்கள் கையில் இருக்கும் ‘பில்’லில் என்ன தொகை குறிப்பிடப்பட்டுள்ளதோ, அந்த தொகையை மட்டும் சம்பந்தப்பட்ட வாடிக்கையாளர்கள் கொடுத்தால் போதும்.

அப்படி வீடுகளுக்கு சிலிண்டர்சப்ளை செய்ய வருபவர்கள் யாராவது ‘பில்’ தொகையை விட கூடுதல் கட்டணம் கேட்டால், 1800-2333-555 என்ற கட்டணமில்லா தொலைபேசிஎண்ணுக்கு தொடர்பு கொண்டு புகார் தெரிவிக்கலாம். தொடர்ந்து அனைத்துசமையல் கியாஸ் வினியோகஸ்தரர்களிடமும், சிலிண்டர் டெலிவரி செய்ய அனுப்பப்படுபவர்களிடம் ‘பில்’ தொகையில் இருக்கும் தொகையை விட கூடுதல் தொகை வாங்க வேண்டாம் என்று அறிவுறுத்துமாறு கேட்டுக்கொண்டுள்ளோம்.