பணி நிரந்தரம் செய்ய பகுதி நேர ஆசிரியர்கள் வலியுறுத்தல்

தமிழகத்தில் பணியாற்றி வரும் பகுதி நேர ஆசிரியர்களைப் பணி நிரந்தரம் செய்ய வேண்டும் எனத் தமிழகப் பகுதி நேரச் சிறப்பாசிரியர்கள் முன்னேற்றச் சங்கம் வலியுறுத்தியுள்ளது.தஞ்சாவூரில் இந்தச் சங்கத்தின் மாநில நிர்வாகிகள் ஆலோசனைக் கூட்டம் சனிக்கிழமை நடைபெற்றது.


இதில் தமிழகத்தில் பணியாற்றி வரும் 16,543 பகுதி நேர ஆசிரியர்களைத் தமிழக அரசுப் பணி நிரந்தரம் செய்ய வேண்டும்.

 பகுதி நேர ஆசிரியர்களுக்குக் காலமுறை ஊதியம் வழங்க வேண்டும். பள்ளி விடுமுறை மாதமான மே மாத ஊதியத்தைப் பகுதி நேர ஆசிரியர்களுக்கு வழங்க வேண்டும். அரசுப் பணியாளர்களுக்கு வழங்கப்படும் அனைத்து விடுமுறைகளையும் பகுதி நேர ஆசிரியர்களுக்கும் வழங்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.மாநிலப் பொதுச் செயலர் ஜயச்சந்திர பூபதி தலைமை வகித்தார். மாநிலத் தலைவர் ஜான்சன், துணைத் தலைவர் மணி, மாநில குழு உறுப்பினர் வெங்கட்ரமணி உள்ளிட்டோர் கலந்து கொண்டனர்.