Drop Down MenusCSS Drop Down MenuPure CSS Dropdown Menu

ANNOUNCEMENT

Jun 23, 2016

சட்டப் படிப்புகளுக்கான கலந்தாய்வு தொடங்கியது

தமிழ்நாடு டாக்டர் அம்பேத்கர் சட்டப் பல்கலைக்கழகத்தின் கீழ் சென்னை தரமணியில் இயங்கும் சீர்மிகு சிறப்பு சட்டக் கல்லூரி யில் பிஏ, எல்எல்பி, பிபிஏ, எல்எல்பி, பிகாம்.எல்எல்பி, பிசிஏ எல்எல்பி ஆகிய ஒருங்கிணைந்த 5 ஆண்டு கால சட்டப் படிப்புகள் வழங்கப்படுகின்றன.
ஒவ்வொரு படிப்பிலும் தலா 156 இடங்கள் உள்ளன.இந்த படிப்பில், பிளஸ் 2 முடித்தவர்கள் சேரலாம்.நடப்பு கல்வி ஆண்டில் (2016-17) பிஏ, எல்எல்பி, பிபிஏ, எல்எல்பி படிப்புகளில் சேர 1,573 பேரும், பிகாம்.எல்எல்பி படிப்பில் சேர 494 பேரும், பிசிஏ எல்எல்பி படிப்பில் சேர 308 பேரும் விண்ணப்பித்திருந் தனர். அவர்களின் தரவரிசைப் பட்டி யல் ஜுன் 13-ம் தேதி வெளியிடப் பட்டது. இந்த நிலையில், மேற் கண்ட ஒருங்கிணைந்த சட்டப் படிப்புகளுக்கான கலந்தாய்வு சென்னையில் உள்ள தமிழ்நாடு டாக்டர் அம்பேத்கர் சட்டப் பல் கலைக்கழகத்தில் நேற்று தொடங் கியது.

முதல் நாளான நேற்று பிஏ. எல்எல்பி, பி.காம். எல்எல்பி படிப்புகளுக்கான கலந்தாய்வு நடந்தது. இதில் மாணவி எஸ்.தீபா 99.75 கட் ஆப் மதிப்பெண் பெற்று முதலிடத்தையும், மாணவர் பி.அருண் பிரபு 99.25 கட் ஆப் பெற்று 2-ம் இடத்தையும் பிடித்த னர். தரவரிசைப் பட்டியலில் முதல் 10 இடங்களைப் பிடித்த மாணவ-மாணவிகளுக்கு சட்டத்துறை அமைச்சர் சி.வி.சண்முகம் கல்லூரி ஒதுக்கீட்டு ஆணையை வழங்கினார். இந்த நிகழ்ச்சியில் துணைவேந்தர் பி.வணங்காமுடி, பதிவாளர் பி.சவுந்தரபாண்டியன் உள்ளிட்டோர் கலந்துகொண்டனர். பிகாம். எல்எல்பி, பிசிஏ, எல்எல்பி படிப்புகளுக்கான கலந்தாய்வு இன்று நடைபெறுகிறது.

சட்டப் படிப்பு மாணவர் சேர்க்கை குறித்து துணைவேந்தர் வணங்காமுடி நிருபர்களிடம் கூறும்போது, “5 ஆண்டு மற்றும்3 ஆண்டு கால எல்எல்பி படிப்புகளுக் கான விண்ணப்பங்கள் தற்போது வழங்கப்பட்டு வருகின்றன. 5 ஆண்டு படிப்புக்கான விண் ணப்பங்களை ஜுன் 30-ம் தேதிக் குள்ளாகவும், 3 ஆண்டு படிப்புக் கான விண்ணப்பங்களை ஜுலை 15-ம் தேதிக்குள்ளாகவும் சமர்ப்பிக்க வேண்டும். 5 ஆண்டு எல்எல்பி படிப்புக்கு ஜூலை 2-வது வாரத்தில் வெளியிட திட்டமிட்டுள்ளோம்” என்றார்.

No comments :

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி