Drop Down MenusCSS Drop Down MenuPure CSS Dropdown Menu

ANNOUNCEMENT

Aug 14, 2016

கலந்தாய்வு மூலம் 379 அரசு உயர்நிலைப்பள்ளி தலைமை ஆசிரியர்களுக்கு பணி இடமாறுதல் ஆணை பள்ளி கல்வி இயக்குனர் தகவல்.

கலந்தாய்வு மூலம் 379 அரசு உயர்நிலைப்பள்ளி தலைமை ஆசிரியர்களுக்கு பணி இடமாறுதல் ஆணை பள்ளி கல்வி இயக்குனர் தகவல் பள்ளி கல்வி இயக்குனர் வெளியிட்டுள்ள செய்திக்குறிப்பில் கூறப்பட்டு இருப்பதாவது:-
முதல்-அமைச்சரின் ஆணைப்படி 2016-17 கல்வியாண்டில் பள்ளிக்கல்வித்துறையில் செயல்படும் பள்ளிகளில் பணிபுரியும் தலைமை ஆசிரியர் மற்றும் ஆசிரியர்களுக்கு பொது மாறுதல் கலந்தாய்வு நடைபெற்று வருகிறது. 13-08-2016 அன்று(நேற்று) அரசு உயர்நிலைப்பள்ளிகளுக்கு அனுமதிக்கப்பட்ட தலைமை ஆசிரியர் பணியிடங்களில் காலியாக உள்ள அரசு உயர்நிலைப்பள்ளி தலைமை ஆசிரியர் பணியிடங்களுக்கு மாறுதல் கலந்தாய்வு நடைபெற்றது.காலையில் 642 அரசு உயர்நிலைப்பள்ளி தலைமை ஆசிரியர்கள் மாறுதல் ஆணை பெற விண்ணப்பித்து இருந்தனர். இதில் 227 அரசு உயர்நிலைப்பள்ளி தலைமை ஆசிரியர்கள் தங்களின் விருப்பத்திற்கேற்ப மாவட்டத்திற்குள் மாறுதல் ஆணை பெற்றுள்ளனர். இதே போன்று பிற்பகலில் நடைபெற்ற கலந்தாய்வில் 152 அரசு உயர்நிலைப்பள்ளி தலைமை ஆசிரியர்கள் தாங்கள் தற்போது பணிபுரியும் மாவட்டத்தில்இருந்து வேறு மாவட்டத்திற்கு விருப்பத்திற்கேற்ப மாறுதல் ஆணை பெற்றுள்ளனர்.

மேற்கண்ட கலந்தாய்வுகள் அந்தந்த மாவட்ட முதன்மைக்கல்வி அலுவலகத்தில் இணையதளம் மூலம் நடைபெற்றது. ஆக மொத்தம் 379 அரசு உயர்நிலைப்பள்ளி தலைமை ஆசிரியர்கள் அவரவர் விருப்பத்திற்கேற்ப பணியிடங்களை தேர்வுசெய்து பொது மாறுதல் ஆணையை பெற்றுள்ளார்கள். இப்பணிகள் சரியாக நடைபெறுகின்றனவா என்பதை கண்காணிக்க பள்ளிக்கல்வித்துறையில் பணியாற்றும் அனைத்து இணை இயக்குனர்களும் அவர்களுக்கு ஒதுக்கப்பட்ட மாவட்டங்களுக்கு சென்று மேற்பார்வையிட்டனர். இவ்வாறு அதில் தெரிவிக்கப்பட்டுள்ளது.

No comments :

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி