Drop Down MenusCSS Drop Down MenuPure CSS Dropdown Menu

ANNOUNCEMENT

Aug 1, 2016

தமிழகத்தில் மூன்றில் ஒருவர் பொறியியல் படிப்பை 4 ஆண்டுகளில் முடிப்பதில்லை: ஆய்வில் அதிர்ச்சி.

தமிழகத்தில் பொறியியல் படிப்பின் தரம் குறித்த ஆய்வில், மூன்றில் ஒரு மாணவர் பொறியியல் படிப்பை 4 ஆண்டுகளில் முடிப்பதில்லை என்பதும், அரியர் தேர்வுகளை வைத்திருப்பதும் தெரிய வந்துள்ளது.
அனைத்து இந்திய தொழில்நுட்பக் கல்வி ஆணையம் வெளியிட்டுள்ள புள்ளிவிவரத்தின் அடிப்படையில், கடந்த 2016 மே மாதம் தமிழகத்தில் உள்ள பல்வேறு பொறியியல் மற்றும் டிப்ளமோ வகுப்புகளில் படித்து தேர்ச்சி பெற்ற 1லட்சத்து 57 ஆயிரம் மாணவ, மாணவிகளில் 48,139 பேர் அரியர் தேர்வுகள் வைத்திருப்பது தெரிய வந்துள்ளது.இதன் மூலம், ஒட்டுமொத்தமாக தேர்ச்சி பெற்றவர்களில் 30 சதவீதத்துக்கும் அதிகமானோர் 4 ஆண்டுகளில் பொறியியல் படிப்பை நிறைவு செய்யாத அதிர்ச்சி தகவல் கிடைத்துள்ளது.இதே புள்ளி விவரத்தின் அடிப்படையில் பார்க்கும் போது, முதுநிலை மற்றும் டிப்ளமா படிப்புகளின் தேர்ச்சி விகிதம் பொறியியல் படிப்பை விட படுமோசமாக உள்ளது.கடந்த மே மாதம் தங்களது படிப்புகளை முடித்த முதுநிலை மற்றும் டிப்ளமோ மாணவர்களில் 40 சதவீதத்துக்கும் அதிகமானோர் அரியர் தேர்வுகளை வைத்திருக்கின்றனர்.

இந்த நிலை கடந்த கல்வியாண்டில் மட்டுமல்லாமல், 2012-13ம் கல்வியாண்டு முதலே தொடர்கதையாகி வருகிறது என்பது கவலைக்குரிய விஷயமாகும்.

மழைக்கு முளைக்கும் காளான்களைப் போல தமிழகத்தில் ஏராளமான பொறியியல் கல்லூரிகள் தொடங்கப்பட்டதும் அதன் காரணமாக மிகக் குறைந்த மதிப்பெண்களைப் பெற்ற மாணவர்களும் எளிதாக பொறியியல் படிப்பில் சேர முடிந்ததுமே இதுபோன்ற நிலைக்கு காரணம் என்கிறார்கள் நிபுணர்கள்.மேலும், பல மாணவர்கள் பொறியியல் படிப்பில் ஆர்வமில்லாமல், பெற்றோரின் வற்புறுத்தலால் சேர்ந்துவிடுவதும், சில கல்லூரிகளில் தகுதி வாய்ந்த ஆசிரியர்கள் இல்லாததும் கூட இந்த நிலைக்குக் காரணங்களாக அமைந்து விடுகின்றன.

No comments :

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி