மத்திய பிரதேசத்தில் பள்ளிகளில் வருகைப் பதிவேட்டின் போது 'ஜெய்ஹிந்த்' சொல்ல உத்தரவு

மத்திய பிரதேச பள்ளிகளில் வருகைப் பதிவேட்டின் போது, 'Yes Sir / Madam'-க்கு பதில், 'ஜெய்ஹிந்த்' சொல்ல வேண்டும் என அம்மாநில கல்வித்துறை அமைச்சர் விஜய் ஷா தெரிவித்துள்ளார்.
சாட்னா மாவட்டத்தில் பள்ளி ஆசிரியர்கள், தலைமை ஆசிரியர்கள் உள்ளிட்டோர் பங்கேற்ற கூட்டத்தில் பேசியபோது இதனை தெரிவித்தார். மேலும் அக்டோபர் 1ம் தேதி முதல் சாட்னா மாவட்டத்தில் உள்ள தனியார் பள்ளிகளில் இந்த நடைமுறையை கடைப்பிடிக்க உத்தவிடப்பட்டுள்ளது.

இது தொடர்பாக மத்திய பிரதேச மாநில கல்வித் துறை அமைச்சர் விஜய் ஷா கூறியதாவது:
தேசப்பற்றை மாணவர்களிடம் ஊட்டும் வகையில் 'ஜெய்ஹிந்த்' சொல்லும் உத்தரவு பிறப்பிக்கப்பட்டுள்ளதாகவும், முதலமைச்சர் சிவராஜ் சிங் சவுகானுடன் ஆலோசித்து மாநிலம் முழுவதும் இதை கடைபிடிப்பதற்கான நடவடிக்கை எடுக்கப்படும் என்றும் விஜய் ஷா தெரிவித்துள்ளார்.