ரேஷனில் மார்ச் 1 முதல் ஸ்மார்ட் கார்டு மூலம் மட்டுமே பொருட்கள் வழங்கப்படும்: உணவுத்துறை அமைச்சர் தகவல்

ரேஷனில் மார்ச் 1 முதல் ஸ்மார்ட் கார்டு மூலம் மட்டுமே பொருட்கள் வழங்கப்படும் என்று தமிழக அரசு தெரிவித்துள்ளது. பெரும்பாலானவர்களுக்கு ஸ்மார்ட் கார்டு வழங்கப்பட்டுள்ளது என்று உணவுத்துறை அமைச்சர் காமராஜ் தெரிவித்துள்ளார்.
ரேஷன் கார்டுடன் ஆதார் எண்ணை இணைக்கும் பணி முடிவடைந்துள்ளது என்றும் அவர் கூறினார். ஸ்மார்ட் கார்டு மாற்றப்பட்டுள்ளதால் ரேஷன் அட்டைகளை முறைகேடாக பயன்படுத்துவது தவிக்கப்படும் என்று அவர் தெரிவித்தார்.

இதற்கான ஒருங்கிணைப்பு பணிகள் 2015ல் துவங்கின. மக்களிடம் இருந்து 'ஆதார்' விபரங்களை பெற்று, அவற்றின் அடிப்படையில் ஸ்மார்ட் கார்டு வழங்க முடிவு செய்யப்பட்டது. அதன்படி, ரேஷன் கடைகளில், ஆதார் விபரம் வாங்கும் பணி, 2016ல் துவங்கியது.

இந்நிலையில் 2017 மார்ச் 1ல் இருந்து ஸ்மார்ட் கார்டு வழங்கும் பணி உணவு துறை மூலம் தொடங்கப்பட்டது. பெரும்பாலானவர்கள் ஸ்மார்ட் கார்டு பெற்றுள்ளதால் வரும் மார்ச் 1 ம் தேதி முதல் ஸ்மார்ட் கார்டு மூலம் மட்டுமே ரேஷனில் பொருட்கள் வழங்கப்படும் என்று தெரிவிக்கப்பட்டுள்ளது.