'கல்வி கட்டண பாக்கியை மாணவர்களிடம் கேட்க கூடாது' - Kalviseithi - No:1 Educational website in Tamilnadu

Feb 15, 2018

'கல்வி கட்டண பாக்கியை மாணவர்களிடம் கேட்க கூடாது'

புதுடில்லி: 'தனியார் பள்ளிகளில், கல்வி கட்டண பாக்கி குறித்து, மாணவர்களிடம் கேட்காமல், பெற்றோரிடம் கேட்க வேண்டும்' என, மத்திய குழந்தைகள் நல உரிமைகள் கமிஷன், அனைத்து மாநில அரசுகளுக்கும் கடிதம் எழுதி உள்ளது.
தெலுங்கானாவில் உள்ள, ஒரு தனியார் பள்ளியில் படிக்கும் மாணவனிடம், கட்டண பாக்கி குறித்து, பள்ளி நிர்வாகம் கேட்டதால், அந்த மாணவன் தற்கொலை செய்து கொண்டான்.இதையடுத்து, 'மாணவர்களிடம் கல்வி கட்டண பாக்கி குறித்து கேட்கக் கூடாது' என, தனியார் பள்ளிகளுக்கு அறிவுறுத்தும்படி, தேசிய குழந்தைகள் நலஉரிமைகள் கமிஷன், அனைத்து மாநில அரசுகளுக்கும் கடிதம் எழுதி உள்ளது.அதன் விபரம்:கல்வி கட்டணம் செலுத்தாத மாணவர்களிடம், ஆசிரியர்கள் கடுமையாக நடந்து கொள்வதாகவும், தண்டிப்பதாகவும், பெற்றோரிடம் இருந்து புகார்கள் வந்துள்ளன.

இது, குழந்தைகள் நல உரிமை மீறல். எனவே, தனியார் பள்ளிகள், கட்டண பாக்கி குறித்து, பெற்றோரிடம் மட்டும் பேச வேண்டும். மாணவர்களை துன்புறுத்துவதோ, வகுப்பை விட்டு வெளியேற்றுவதோ கூடாது. மாநில அரசுகள், தனியார் பள்ளி நிர்வாகங்களுக்கு அறிவுறுத்த வேண்டும்.இவ்வாறு அதில் கூறப்பட்டுள்ளது.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி