அந்தமான் அருகே காற்றழுத்த தாழ்வுநிலை: தீவிரமடையும் பருவமழை!

அந்தமான் தீவுகள் அருகே புதிதாக காற்றழுத்த தாழ்வு நிலை உருவாகி இருப்பதால்,தமிழகத்தில் பருவ மழை தீவிரமடையும் என வானிலை ஆய்வு மையம் தெரிவித்து உள்ளது.

இன்னும் 2 நாட்களில் புதியக் காற்றழுத்த தாழ்வு நிலை தமிழகம் நோக்கி நகர்ந்து வரும். தமிழக கடலோரத்தை நெருங்கும் போது மேலும் காற்றழுத்தம் வலுவடையக்கூடும்.

ஏற்கெனவே ஆந்திரா மாநிலத்தின் மேலடுக்கில் சுழற்சி ஏற்பட்டு நீடித்த நிலையில்உள்ளது. இந்த இரு நிலைகளாலும் தமிழ்நாட்டில் பருவ மழை தீவிரம் கொள்ள வாய்ப்புள்ளது.

புதிய காற்றழுத்தம் இந்த வார இறுதியில் தமிழக கடலோரத்தை நெருங்க உள்ளதால் தமிழ்நாட்டின் வட மாவட்டங்களில் வரும் 13, 14 ஆம் தேதிகளில் பலத்த மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்து உள்ளது.