'பிரிட்டீஷ் கைக்கூலி' : காந்தி மீது கட்ஜு காட்டம்

தேசத்தந்தை காந்தியடிகளை, 'பிரிட்டீஷ் கைக்கூலி' என, 'பிரஸ் கவுன்சில்' அமைப்பின் தலைவரும், சுப்ரீம் கோர்ட்டின் முன்னாள் நீதிபதியுமான மார்க்கண்டேய கட்ஜு கூறி, மீண்டும் பரபரப்பை கிளப்பி உள்ளார்.


இதுகுறித்து, அவர், இணைய பக்கத்தில், எழுதியுள்ளதாவது:இந்தியாவில் காந்தியடிகள் மேற்கொண்ட போராட்டங்கள், மத ரீதியாகவே இருந்தன. இதன்மூலம், பிரிட்டீஷ் ஆட்சியாளர்களின் பிரித்தாளும் சூழ்ச்சியை, அவரும் பின்பற்றினார்.அவரின் ஒவ்வொரு பேச்சும், எழுத்தும், இந்து மதம் மற்றும் அதன் கொள்கைகளின் அடிப்படையிலேயே இருந்தது.
இவ்வாறு அவர் தொடர்ந்து பேசிய வந்ததால் தான், முஸ்லிம்கள், முஸ்லிம் லீக் என்ற கட்சியில் சேர்ந்தனர். பிரிவினைவாதம் இவ்வாறு தான் தோன்றியது.இரண்டாவதாக, சத்தியாகிரக போராட்டங்களை காந்தி நடத்தினார். இதன் பின்னணியிலும், பிரிட்டீஷ் ஆட்சியாளர்களுக்கு ஆதரவான நிலைப்பாடு உள்ளது.மூன்றாவதாக, நாடு பிரிவினையின் போது, நவோகாளி என்ற இடத்தில் நடைபெற்ற மத கலவரத்தை அடக்க, அவர் மேற்கொண்ட செயல்கள், கலவரத்தை தூண்டும் விதத்தில் இருந்தன.இவ்வாறு, கட்ஜு எழுதியுள்ளார்.