மதிப்பெண் பட்டியலை திருத்தி பிளஸ் 2 படித்த மாணவி: பாலிடெக்னிக் சேரும்போது சிக்கினார்

கரூர் மாவட்டம் பழைய ஜெயங்கொண்டம் அரசு மேல்நிலைப் பள்ளியில் பிளஸ் 2 வேளாண்மை பிரிவில் படித்த மாணவி பெ.மீனா, நடப்பாண்டு பிளஸ் 2 தேர்வில் ஆங்கில பாடத்தில் தோல்வி அடைந்தார்.இதையடுத்து,
குளித்தலை அருகேயுள்ள தனியார் பாலிடெக் னிக்கில் சேர விண்ணப்பித்துள் ளார். சேர்க்கையின்போது, மாணவியின் 10-ம் வகுப்பு மதிப் பெண் பட்டியல் திருத்தப்பட்டுள் ளதை அறிந்த கல்லூரி நிர்வாகம், மாணவியின் சேர்க்கையை நிறுத்திவைத்தது. மேலும், இது குறித்து பழைய ஜெயங்கொண்டம் அரசு மேல்நிலைப் பள்ளிக்கும் தகவல் தெரிவித்துள்ளது.

இப்பள்ளியில் 2013-ம் ஆண்டு 10-ம் வகுப்பு பொதுத் தேர்வு எழுதிய இந்த மாணவி ஆங்கிலப் பாடத்தில் 22 மதிப்பெண்கள் பெற்று தோல்வி அடைந்துள்ளார். ஆனால், மதிப்பெண் பட்டியலில் ஆங்கில பாட மதிப்பெண்ணை 42 என திருத்தி அதே பள்ளியிலே 2013-ல் பிளஸ் 1 வகுப்பில் சேர்ந்துள்ளார்.இந்த ஆண்டு பிளஸ் 2 தேர்வு எழுதிய பெ.மீனா, ஆங்கில பாடத் தில் தோல்வி அடைந்ததை அடுத்து, தனியார் பாலிடெக்னிக் கில் சேர விண்ணப்பித்தபோது, 10-ம் வகுப்பு மதிப்பெண் பட்டியலை திருத்தியது தெரிய வந்துள்ளது.

தான் 10-ம் வகுப்பு படித்து தோல்வியடைந்த பள்ளியிலேயே மதிப்பெண் பட்டியலை திருத்தி, 2 ஆண்டுகள் படித்த சம்பவம் இப்பகுதியில் பரபரப்பை ஏற்படுத்தியுள்ளது.இதுகுறித்து சமூக ஆர்வலர் ஒருவர் கரூர் மாவட்ட முதன்மைக் கல்வி அலுவலர் ராமசாமிக்கு அஞ்சல் மூலம் நேற்று முன்தினம் புகார் அனுப்பியுள்ளார்.முதன்மைக் கல்வி அலுவலர் ராமசாமியிடம் கேட்டபோது, “விரைவில் இதுகுறித்து விசா ரணை நடத்தப்படும்” என்றார்.