ராமேஸ்வரத்திலிருந்து இலங்கைக்கு பாலம் அமைக்க ஆசிய வங்கி நிதியுதவி: நிதின் கட்காரி

தனுஷ்கோடியிலிருந்து இலங்கைக்கு இணைப்புப் பாதை ஏற்படுத்தும் திட்டத்தை மத்தியஅரசு செயல்படுத்த உள்ளது.டெல்லியில் இன்று நடைபெற்ற நிகழ்ச்சி ஒன்றில் பேசிய மத்திய சாலைப் போக்குவரத்து மற்றும்
கப்பல்த்துறை அமைச்சர் நிதின் கட்கரி இத்திட்டத்துக்கு ஆசிய வளர்ச்சி வங்கி 22 ஆயிரம் கோடி ரூபாய் கடனுதவி வழங்கத் தயாராக உள்ளது என்றார்.

ராமேஸ்வரத்தின் தனுஷ்கோடியிலிருந்து இலங்கைக்கு பாதை அமைப்பது மூலம் சார்க் நாடுகள் அனைத்தும் சாலை மார்க்கமாக இணைக்க வழி ஏற்படும் என்றார்.மேலும் , நெடுஞ்சாலை மற்றும் கப்பல் போக்குவரத்து துறையில் 50 லட்சம் வேலைவாய்ப்புகள் இன்னும் 5ஆண்டுகளில் உருவாக்க மத்திய அரசு உறுதி பூண்டுள்ளதாகவும் அவர் தெரிவித்தார்.டெல்லியில் நடைபெற்ற நிகழ்ச்சி ஒன்றில் இத்தகவலை மத்திய சாலைப் போக்குவரத்துத்துறை அமைச்சர் நிதின் கட்கரி தெரிவித்தார்​