இலவச தையல் இயந்திரம் பெற மாற்றுத்திறனாளிகள் விண்ணப்பிக்கலாம்: மாவட்ட ஆட்சியர் அறிவிப்பு

சென்னை மாவட்ட ஆட்சியர் வெ.அன்புச்செல்வன் நேற்று வெளியிட்ட அறிக்கை:

சென்னை மாவட்டத்தில் இதுவரை தையல் இயந்திரம் பெறாத மாற்றுத்திறனாளிகள் மோட்டார் பொருத்திய இலவச தையல் இயந்திரம் பெற விண்ணப்பங்கள் வரவேற்கப்படுகின்றன.
இத்திட்டத்தின்கீழ் பயன்பெற மாற்றுத்திறனாளிகளுக்கான தேசிய அடையாள அட்டை பெற்றிருக்க வேண்டும். கல்வித் தகுதி,வருமான வரம்பு இல்லை. வயது 18 முதல் 45 இருத்தல் வேண்டும்.அரசு அல்லது தனியார் நிறுவனங்களில் இருந்துதையல் தெரியும் என்று சான்று பெற்றிருக்க வேண்டும்.

 இத்தகுதி உடையவர்கள் வெள்ளைத்தாளில் விண்ணப்பம் எழுதி மேற்குறிப்பிட்ட தகுதிகளின் நகல்களுடன், ‘மாவட்ட மாற்றுத்திறனாளிகள் நல அலுவலர், டி.எம்.எஸ்.வளாகம், சென்னை- 600 006’ (தொலைபேசி எண்: 044 – 24315758) என்ற முகவரியில் விண்ணப்பிக்க வேண்டும் என்று மாவட்ட ஆட்சியர் அன்புச்செல்வன் அறிவித்துள்ளார்.