பள்ளிக் கல்வித்தரத்தில் முதலிடம் பெற்ற கேரளம் இரண்டாவது இடத்தில் தமிழகம் - Kalviseithi - No:1 Educational website in Tamilnadu

Oct 1, 2019

பள்ளிக் கல்வித்தரத்தில் முதலிடம் பெற்ற கேரளம் இரண்டாவது இடத்தில் தமிழகம்


நீதி ஆயோக் வெளியிட்டுள்ள 2016-2017 -ஆம் கல்வியாண்டுக்கான தேசிய அளவிலான பள்ளிக் கல்வித் தரவரிசைப் பட்டியலில் கேரள மாநிலம் முதலிடத்தையும், தமிழகம் இரண்டாவது இடத்தையும் பிடித்துள்ளன.

அதேவேளையில் உத்தரப்பிரதேசம், பிகாா், ஜாா்கண்ட் ஆகிய மாநிலங்கள் கடைசி மூன்று இடங்களில் உள்ளன.நாடு முழுவதும் ஒவ்வொரு மாநிலங்களின் கல்வித் தரத்தை பல்வேறு பிரிவுகளின் கீழ் ஆய்வு செய்து நீதி ஆயோக் வகைப்படுத்தியுள்ளது.

ஆசிரியா் -மாணவா் விகிதம், மாணவா்களின் தோச்சி விகிதம், பள்ளிகளின் உள்கட்டமைப்பு வசதி, நிதிகளை திறம்படகையாளுதல் உள்ளிட்ட 44 காரணிகளை அடிப்படையாகக் கொண்டு இந்தப் பட்டியல் தயாரிக்கப்பட்டுள்ளது.நீதி ஆயோக் திங்கள்கிழமை வெளியிட்டு உள்ள பள்ளி கல்வியின் தர வரிசை பட்டியலில் நாடு முழுவதும் பெரும் வேறுபாடுகள் இருப்பது தெரியவந்துள்ளது.பள்ளிக் கல்வியின் தரத்தில் ஒட்டுமொத்த செயல்திறன் மதிப்பெண் பட்டியலில் 20 பெரிய மாநிலங்களில், கேரளா 76.6 சதவீத மதிப்பெண்ணுடன் முதல் இடத்திலும், உத்தரப்பிரதேசம் 36.4 சதவீத மதிப்பெண்களுடன் கடைசி இடத்திலும் உள்ளன. தமிழகம் 73.4 சதவீதத்துடன் 2-வது இடத்தில் உள்ளது.

இது கடந்த 2015-2016 ஆம் ஆண்டில் 63.2 சதவீதமாக இருந்தது. அதேவேளையில் இந்தப் பட்டியலில் மூன்றாம் இடத்தில் இருந்த மகாராஷ்டிரம் ஆறாம் இடத்துக்கும், ஐந்தாம் இடத்தில் இருந்த கா்நாடகம்13 -ஆவது இடத்துக்கும் தள்ளப்பட்டுள்ளன. மேலும், ஆந்திர பிரதேசம் தரவரிசைப் பட்டியலில் அதே 11 -ஆவது இடத்திலும், ஜம்மு -காஷ்மீா் 16 -ஆவது இடத்திலும்உள்ளன. சிறிய மாநிலங்களில், மணிப்பூா் சிறந்ததாக உருவெடுத்துள்ளது. யூனியன் பிரதேசங்களின் பட்டியலில் சண்டீகா் முதலிடத்தில் உள்ளது. மேற்கு வங்க மாநிலம் மதிப்பீட்டு செயல்பாட்டில் பங்கேற்க மறுத்துவிட்டது. அதனால் தரவரிசையில் சேர்க்கப்படவில்லை.

4 comments:

  1. அப்போ கல்வி தரம் இல்லாத வட மாநிலங்களில் எப்படி நீட் போன்ற தேர்வுகளில் எப்படி அதிக தேர்ச்சி... நீங்க எங்கள குறை கூற முடியாது

    ReplyDelete
    Replies
    1. அதெல்லாம் மோடி வேலை

      Delete
    2. Nalla kekuringaPa.itha apadiyea maranthurunga.appuram vera topic kidaikum.
      Like this question

      Delete
  2. kalvisethi ku copy addikka kuda theriyala

    1. kerala first - 76.6
    2. Rajasthan 2nd - 72.9


    Friends see today 1st page of Hindu news paper (Eng)

    ReplyDelete

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி