தமிழகத்தில் பள்ளி செல்லா இடைநின்ற குழந்தைகளை கண்டறிந்து அவர்களை சிறப்பு பள்ளியிலோ அல்லது அரசு பள்ளியிலோ சேர்த்திட வேண்டும் என்று தமிழக அரசு உத்தரவு.

தமிழகத்தில் பள்ளி செல்லா இடைநின்ற குழந்தைகளை கண்டறிந்து அவர்களை சிறப்பு பள்ளியிலோ அல்லது அரசு பள்ளியிலோ சேர்த்திட வேண்டும் என்று தமிழக அரசு உத்தரவு பிறப்பித்தது. இதை அடுத்து
பல்வேறு கிராமங்களில் அனைவருக்கும் கல்வி இயக்கம் வட்டார வளமையத்தின் சார்பில் இடைநின்ற மற்றும் பள்ளி செல்லா குழந்தைகளை கணக்கெடுத்து அவர்களை பள்ளியில் சேர்க்கும் பணி நடைபெற்று வருகிறது. அதன்படி மணப்பாறை ஒன்றியத்தில் உள்ள ஊராட்சி கிராமங்களில் உள்ள இடைநின்ற மற்றும் பள்ளி செல்லா குழந்தைகளை கணக்கெடுக்கும் பணி வட்டார வள மையத்தின் சார்பில் தொடங்கியது. மேற்பார்வையாளர்கள் மற்றும் ஆசிரிய பயிற்றுனர்கள் பணியை மேற்கொண்டனர். இந்த கணக்கெடுப்பில் 10 வயதுக்குட்பட்ட குழந்தைகள் 5 பேரும் 14 வயதிற்குட்பட்ட குழந்தைகள் 11 பேரும் கண்டறியப்பட்டு அவர்களை பள்ளிகளில் சேர்ப்பதற்கான நடவடிக்கைகளை மேற்கொண்டனர்.