சிறப்பு இளைஞர் படைக்கு தேர்வு எழுதிய 5,681 பேர்.

சேலம் மாவட்டத்தில், நேற்று நடந்த இளைஞர் படை பணிக்கு, 5,681 பேர் தேர்வு எழுதினர்.தமிழகத்தில், இளைஞர் படை பணிக்கு,
10,500 பேரை தேர்வு செய்ய நேற்று எழுத்து தேர்வு நடந்தது. சேலம் மாவட்டத்துக்கு, 245 பேர் தேர்வு செய்ய, செப்டம்பர், 2ல் இருந்து, 30ம் தேதி வரை விண்ணப்பம் வழங்கப்பட்டது. விற்பனை செய்யப்பட்ட 7,908 விண்ணப்பத்தில், 1,619 பேர் தவிர 6,289 பேருக்கு எழுத்துத் தேர்வுக்கு ஹால்டிக்கெட் அனுப்பி வைக்கப்பட்டது.சேலம் ஜெயராம் கல்லூரி, சின்ன சீரகாபாடி கிருபானந்த வாரியார் இன்ஜியரிங் கல்லூரியில்,நேற்று, எழுத்து தேர்வு நடந்தது. இதில், 5,681 பேர் மட்டுமே தேர்வு எழுதினர். 608 பேர் தேர்வெழுத வரவில்லை.தேர்வு மையங்களை, டி.ஐ.ஜி., சஞ்சய்குமார் ஆய்வு செய்தார்., எஸ்.பி.,சக்திவேல் தலைமையில் 450 போலீஸார் தேர்வு பணி மற்றும் பாதுகாப்பு பணியில் ஈடுபடுத்தப்பட்டனர்.