தகுதித்தேர்வு: தேர்ச்சி பெற்ற ஆசிரியர்களுக்கு சான்றிதழ் வினியோகம்.

மாவட்ட முதன்மை கல்வி அலுவலர் சுகுமார் தேவதாஸ் கூறியதாவது:
ஆசிரியர் தேர்வு வாரியத்தால் 2012 ஜுலை 12, அக்.,14ல் நடந்த இரண்டு தகுதித் தேர்வுகளில் வெற்றி பெற்றவர்களுக்கு நவ.,23 முதல் சான்றிதழ்கள் வழங்கப்பட உள்ளன.சான்றிதழ்களை,
திண்டுக்கல் மாவட்ட முதன்மை கல்வி அலுவலகத்தில் காலை 10 முதல் மாலை 5 மணி வரை பெற்று கொள்ளலாம். சான்றிதழ் பெற வருபவர்கள் ஆசிரியர் தேர்வு வாரியம் அனுப்பிய அழைப்பு கடிதம் மற்றும் உரிய ஆவணங்களுடன் நேரில் வர வேண்டும்.சம்பந்தப்பட்டவர்களை தவிர மற்றவர்கள் சான்றிதழ்களை வாங்க வரக் கூடாது.மாவட்டத்தில் முதல் தாளில் தேர்ச்சி பெற்ற 293 பேருக்கும், இரண்டாம் தாளில் தேர்ச்சி பெற்ற 344 பேருக்கும் சான்றிதழ்கள் வழங்கப்பட உள்ளன, என்றார்.

தஞ்சாவூர்:

தஞ்சை மாவட்ட முதன்மை கல்வி அலுவலர் தமிழரசு வெளியிட்டுள்ள செய்திக்குறிப்பு:
ஆசிரியர் தேர்வு வாரியம் ஜூலை மற்றும் அக்., மாதம் 2012ல் நடத்திய ஆசிரியர் தகுதித்தேர்வில் தகுதி பெற்றவர்களுக்கு உரிய ஆசிரியர் தகுதி தேர்வு சான்றிதழ்கள் ஆசிரியர் தேர்வு வாரியம் மூலம் தாள் 1, தாள் 2க்கானது பெறப்பட்டுள்ளது.தஞ்சை மாவட்டத்தில் தகுதி பெற்றுள்ள ஆசிரியர்கள் சான்றிதழ்களை வரும் 25ம் தேதியன்று காலை 10 மணி முதல் 5.30 மணி வரை மாவட்ட முதன்மை கல்வி அலுவலகத்தில் ஆளறி சான்றிதழ் மற்றும் தேர்வுக்கூட நுழைவு சீட்டின் நகலுடன் வருகை தந்து, பெற்று செல்லுமாறு கேட்டுக்கொள்ளப்படுகின்றனர்." இவ்வாறு, அவர் கூறியுள்ளார்.