மக்கள் நலப் பணியாளர் வழக்கு: பிப். 27க்கு விசாரணையை ஒத்திவைத்தது உச்சநீதிமன்றம்

மக்கள் நலப் பணியாளர்கள் தொடர்பான தமிழக அரசின் மேல்முறையீட்டு மனு மீதான விசாரணையை உச்சநீதிமன்றம் பிப்ரவரி 27ஆம் தேதிக்கு ஒத்திவைத்தது.
இது தொடர்பான வழக்கு உச்சநீதிமன்றத்தில் இன்று விசாரணைக்கு வந்தது. அப்போது, தமிழக அரசு பதில் மனு தாக்கல் செய்ய மேலும் கால அவகாசம் கோரியது.

இதனை ஏற்றுக் கொண்ட நீதிபதிகள் வரும் பிப்ரவரி 27ஆம் தேதிக்கு விசாரணையை ஒத்திவைத்தனர். கடந்த 2011ஆம் ஆண்டு மக்கள் நலப் பணியாளர்கள் 13 ஆயிரத்து 500 பேர் தமிழக அரசால் பணி நீக்கம் செய்யப்பட்டனர். இதனை எதிர்த்து தொடரப்பட்ட வழக்கில் பணி நீக்கம் செய்யப்பட்ட மக்கள் நலப் பணியாளர்களுக்கு மாற்றுப் பணி வழங்க வேண்டும் என கடந்த ஆகஸ்ட் மாதம் சென்னை உயர்நீதிமன்றம் தீர்ப்பளித்தது. இதனை எதிர்த்து தமிழக அரசு உச்சநீதிமன்றத்தில் மேல்முறையீடு செய்தது. மனுவை ஏற்றுக் கொண்ட உச்சநீதிமன்றம், உயர்நீதிமன்றத்தின் உத்தரவுக்கு இடைக்காலத் தடை விதித்தது.

மேலும் தமிழக அரசு இதில் பதில் மனு தாக்கல் செய்ய வேண்டும் என உத்தரவிட்டது.