நாளை தமிழ் புத்தாண்டு: ஜெயலலிதா, விஜயகாந்த், ராமதாஸ், வைகோ வாழ்த்து

தமிழ் புத்தாண்டு நாளை கொண்டாடப்பட உள்ளதையொட்டி அரசியல் தலைவர்கள் பலர் வாழ்த்து தெரிவித்துள்ளனர்.தமிழக மக்களுக்கு ஏற்றமிகு வளர்ச்சியையும், குறையாத மகிழ்ச்சியையும், நிறைவான நலத்தையும் வழங்கும் ஆண்டாக இந்த தமிழ் புத்தாண்டு இருக்க அதிமுக பொதுச்செயலாளர் ஜெயலலிதா வாழ்த்து தெரிவித்துள்ளார்.
மக்கள் அனைவரும் அமைதியுடனும், சகோதரத்துவத்துடனும் எல்லா வளங்களையும் நலங்களையும் பெற்று வாழ தேமுதிக தலைவர் விஜயகாந்த் வாழ்த்து கூறியுள்ளார்.மதிமுக பொதுச்செயலாளர் வைகோ சித்திரை திருநாளில் சமூக நீதி மலர உறுதிக்கொள்வோம்என தெரிவித்துள்ளார். பாமக நிறுவனர் ராமதாஸ், உழவர் வாழ்விலும், தமிழர் வாழ்விலும் புத்துணர்வும், நம்பிக்கையும்,மகிழ்ச்சியும் ஏற்பட வாழ்த்து தெரிவித்துள்ளார்.