துப்புரவுப் பணியாளர், தண்ணீர்த்தொட்டி இயக்குவோருக்கு ஊதிய உயர்வு அறிவிப்பு - Kalviseithi - No:1 Educational website in Tamilnadu

Apr 23, 2015

துப்புரவுப் பணியாளர், தண்ணீர்த்தொட்டி இயக்குவோருக்கு ஊதிய உயர்வு அறிவிப்பு

துப்புரவு பணியாளர், நீர்த்தொட்டி இயக்குவோர் ஆகியோருக்கு ரூ. 20 முதல் ரூ. 40 வரை தொகையை உயர்த்தி வழங்க தமிழக அரசு உத்தரவிட்டுள்ளது. இதற்கான உத்தரவை நிதித் துறைச் செயலாளர் க.சண்முகம் பிறப்பித்துள்ளார்.

தமிழக அரசு ஊழியர்கள், ஆசிரியர்களுக்கு ஆறு சதவீதம் அகவிலைப்படி உயர்வு அளிக்கப்பட்டதைத் தொடர்ந்து, ஊரக வளர்ச்சி, ஊராட்சித் துறையின் கீழ் பணியாற்றுவோருக்கும் ஊதிய உயர்வு உயர்த்தப்பட்டுள்ளது.

இது குறித்து, நிதித் துறை செயலாளர் சண்முகம் புதன்கிழமை வெளியிட்ட உத்தரவு:

உள்ளாட்சி மன்றங்களில் பலரும், ஊரக வளர்ச்சி, ஊராட்சித் துறையின் கீழும் மேல்நிலை நீர்த்தேக்கத் தொட்டி இயக்கம், துப்பரவுப் பணிகளில் பணியாளர்கள் பலர் ஈடுபட்டு வருகின்றனர்.

அவர்களுக்கு கடந்த 2006-ஆம் ஆண்டில் இருந்து திருத்தப்பட்ட தொகுப்பூதியம்- மதிப்பூதியம் என்ற அடிப்படையில் ரூ. 600 வரையிலும், சிலருக்கு ரூ. 600-க்கு மேலாகவும் வழங்கப்பட்டு வருகிறது.

அரசு ஊழியர்கள், ஆசிரியர்களுக்கு அகவிலைப்படி உயர்வு அதிகரிக்கப்பட்டுள்ள நிலையில், உள்ளாட்சி மன்றங்கள், ஊரக வளர்ச்சித் துறையிலும் பணியாற்றும் ஊழியர்களுக்கும் தனியாக ஒரு தொகை அளிக்கப்படுகிறது. மாதத்துக்கு ரூ. 600 வரை பெறுவோருக்கு ரூ. 20-ம், ரூ. 600-க்கு மேல் பெறுவோருக்கு ரூ. 40-ம் தனித் தொகையாக வழங்கப்படுகிறது.

இந்தத் தொகை கடந்த ஜனவரி 1-ஆம் தேதி முதல் முன்தேதியிட்டு வழங்கப்படும். மூன்று மாதங்களுக்கான நிலுவைத் தொகை உடனடியாக ரொக்கமாக அளிக்கப்படும் என்று தெரிவித்துள்ளார்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி