அண்ணா பல்கலை. முகாமில் 2,276 பேருக்கு பணி நியமன ஆணை

அண்ணா பல்கலைக்கழகம் தமிழகம் முழுவதும் நடத்திய வேலைவாய்ப்பு முகாம்களில் தேர்வு செய்யப்பட்ட 2,276 பேருக்கு பணி நியமன ஆணைகள் வழங்கப்பட உள்ளன.

அண்ணா பல்கலைக் கழக மாணவர்கள் மட்டுமின்றி, இணைப்புக் கல்லூரிகளில் படித்து வரும் மாணவர்களின் நலனைக் கருத்தில் கொண்டு ஒவ்வோர் ஆண்டும் பல்வேறு கட்டங்களாக வேலைவாய்ப்பு முகாம்களை பல்கலைக்கழகம் நடத்தி வருகிறது. இதுபோல் 2014-15-ஆம் ஆண்டில் நடத்தப்பட்ட வேலைவாய்ப்பு முகாம்களில் 2,276 மாணவர்களை பல்வேறு நிறுவனங்கள் தேர்வு செய்துள்ளன.

இவர்களுக்கு நாமக்கல்லில் வருகிற 7-ஆம் தேதியும், சென்னையில் 14-ஆம் தேதியும், கோவையில் 21-ஆம் தேதியும் நடைபெறும் நிகழ்ச்சிகளில் பணி நியமன ஆணைகள் வழங்கப்பட உள்ளன.

பணி நியமன ஆணைகள் பெற உள்ள மாணவர்களின் பட்டியல் ஜ்ஜ்ஜ்.ஹய்ய்ஹன்ய்ண்ஸ்.ங்க்ன் என்ற இணையதளத்தில் வெளியிடப்பட்டுள்ளது எனவும் பல்கலைக்கழக செய்திக்குறிப்பில் தெரிவிக்கப்பட்டுள்ளது.