பிளஸ்2 தனித்தேர்வர்கள் இணையதளத்தில் விண்ணப்பிக்க நாளை கடைசி நாள்

பிளஸ் 2 தனித்தேர்வர்கள் வியாழக்கிழமைக்குள் இணையதளம் மூலம் விண்ணப்பிக்க வேண்டும் என்று அறிவிக்கப்பட்டுள்ளது.இது குறித்து காஞ்சிபுரம் மாவட்ட முதன்மை கல்வி அலுவலகம் வெளியிட்டுள்ள செய்திகுறிப்பு:


2015ம் ஆண்டு செப்டம்பர், அக்டோபர் மேல்நிலை துணை தேர்வெழுத அரசுதேர்வுத்துறையால் அறிவிக்கப்பட்ட நாட்களுக்குள் இணையதள வழியாக விண்ணப்பிக்க தவறிய, தற்போது விண்ணப்பிக்க விரும்பும் தனித்தேர்வர்களிடமிருந்து விண்ணப்பங்கள்வரவேற்கப்படுகிறது.இதற்காக ஒவ்வொரு கல்வி மாவட்டத்திலும் அரசு தேர்வுத்துறை சேவை மையங்கள் அமைக்கப்பட்டுள்ளது. தனித்தேர்வர்கள் தங்களது மாவட்டத்தில் அமைக்கப்பட்டுள்ள அரசு தேர்வுத்துறை சேவை மையத்திற்கு நேரில் சென்று நாளை (செப்டம்பர் 10) வியாழக்கிழமைக்குள் இணையதளம் மூலம் விண்ணப்பிக்கலாம்.

இதில் விண்ணப்பிக்கும் அனைத்து தனித்தேர்வர்களுக்கும் சென்னையில் தேர்வு மையம்அமைக்கப்படும். தனியார் இணையதள மையம் மூலம் விண்ணப்பிக்க இயலாது. கல்வி மாவட்டம் வாரியாக அமைக்கப்பட்டுள்ள சேவை மையங்கள் மூலமே விண்ணப்பிக்க வேண்டும்.அரசு தேர்வு துறை சேவை மையங்களின் விவரங்களை www.tndge.in என்ற இளையதளத்தில் தெரிந்து கொள்ளலாம். தனித்தேர்வர்கள் செலுத்த வேண்டிய கட்டணத் தொகை பதிவு தாளில் குறிப்பிடப்பட்டிருக்கும்.எச் வகை தனித்தேர்வர்கள் ஒரு பாடத்திற்கு ரூ.50 மற்றும் இதர கட்டணம் ரூ.35,எச்.பி. வகை நேரடி தனித்தேர்வர்கள் ரூ. 187 செலுத்த வேண்டும்.

கூடுதலாக சிறப்பு அனுமதி கட்டணமாக ரூ. 1,000 மற்றும் இணையதள பதிவுக் கட்டணமாக ரூ.50 சேர்த்து அரசு தேர்வுத்துறை சேவை மையத்தில் செலுத்த வேண்டும். தேர்வுகூட அனுமதி சீட்டுகளை இணையதளத்தில் பதிவிறக்கம் செய்யலாம்.பதிவிறக்கம் செய்யப்படும் நாள் பின்னர் அறிவிக்கப்படும். தனித்தேர்வர்களுக்கு வழங்கப்படும் அனுமதி சீட்டில் தேர்வு மையங்களை தெரிந்து கொள்ளலாம் என்று அறிவிக்கப்பட்டுள்ளது.