ரூ.5,400 தர ஊதியம்: தொழிற்கல்வி ஆசிரியர்கள் கோரிக்கை

தமிழக தொழிற்கல்வி ஆசிரியர்களுக்கு ரூ.5,400 தர ஊதியம் வழங்க வேண்டும் என்று தமிழ்நாடு மேனிலைப் பள்ளி தொழிற்கல்வி ஆசிரியர் சங்கம் வலியுறுத்தியுள்ளது.இதுகுறித்து அந்த சங்கத்தின் மாநில இணைச் செயலாளர் சி.ஜெயவேலு, மாவட்டத் தலைவர் பி.பிரபாகரன், செயலாளர் கே.சிவப்பிரகாசம் ஆகியோர் தெரிவித்துள்ளதாவது:


தமிழக அரசுப் பள்ளிகளில் பணிபுரியும் தொழிற்கல்வி ஆசிரியர்களுக்கு ரூ.5,400தர ஊதியம் வழங்க வேண்டும்.தொழிற்கல்வி ஆசிரியர்களின் பகுதிநேர பணிக் காலத்தை 50 சதவீத ஓய்வூதிய பணிக்காலத்தில் சேர்க்க ஆணை வழங்க வேண்டும். அனைத்து மேல்நிலைப் பள்ளிகளிலும் தொழிற்கல்வி பாடப் பிரிவுகளைத் தொடங்க வேண்டும். ஓய்வு பெற்ற தொழிற்கல்வி ஆசிரியர்கள் பணியிடங்களுக்கு புதிய ஆசிரியர்களை நியமிக்க வேண்டும். இந்த கோரிக்கைகளை தமிழக அரசு துரிதமாக நிறைவேற்ற வேண்டும் என்று தெரிவித்துள்ளனர்.