Income Tax 2019 - 2020 | செலுத்தும் போது கவனத்தில் கொள்ள வேண்டியவை - kalviseithi

Jan 13, 2020

Income Tax 2019 - 2020 | செலுத்தும் போது கவனத்தில் கொள்ள வேண்டியவை


🛡 அரசின் நேரடி வரி வருவாயில் உறுதியான பெரும் பங்கை அளிப்பவர்கள் அரசு ஊழியர்களும் ஆசிரியர்களுமே!


🛡 பொதுப் புத்தியில் அரசின் நிதிச் சுமைக்குக் காரணமானவர்களெனத் தவறாகச் சித்தரிக்கப்பட்டுள்ள அரசு ஊழியர்களும் ஆசிரியர்களும் தான் நாட்டின் வரி வருவாயில் உறுதியான நேரடி வரியாக வருமான வரி, கல்வி வரி & தொழில் வரியினை ஆண்டுதோறும் மார்ச் 31-ம் தேதிக்குள்ளாக 100% செலுத்தி வருகின்றனர்.


🛡 சராசரியாக மாதம் ரூ.42,000/-ற்கு மேல் நிகர ஊதியம் பெறுவோர், 2019-20-ம் நிதியாண்டில் பெற்ற ஊதியத்திலிருந்து 2020-21-ம் ஆண்டிற்கான வருமான வரியாக தங்களது ஒரு மாத ஊதியத்தினைச் செலுத்தியாக வேண்டும்.


🛡 இவ்வாறாக, ஆண்டின் 12 மாதங்களுக்கு 11 மாத ஊதியத்தினை மட்டுமே பெறும் அரசு ஊழியர்களும் ஆசிரியர்களும் நேரடி வரி வருவாயோடே கூடுதலாக, சக குடிமகன்கள் போன்றே தாங்கள் அன்றாடம் பயன்படுத்தும் அனைத்து நுகர்வுப் பொருள்கள் மீதான மறைமுக வரியினையும் செலுத்தி வருகின்றனர்.


🛡 தங்களது பொருளாதார நடவடிக்கைகள் அனைத்திலும் வரி செலுத்தி வரும் அரசு ஊழியர்களும் ஆசிரியர்களும் வருமானவரி கழிவிற்காக மேற்கொள்ளும் முதலீடுகளும் 99% அரசின் வருவாய் சார்ந்ததாகவே இருக்கின்றன.

அவ்வகையில், தனி நபர் வருமான வரிப் படிவம் தயாரிப்பில் கவனத்தில் கொள்ள வேண்டியவை :


🛡 ரூ.50,000/- நிலையான கழிவு அனைவருக்கும் உண்டு.


🛡 வீட்டுக்கடன் வட்டி ரூ.2,00,000/- வரை கழிக்கலாம்.


🛡 80C-ல் நல நிதியைப் பொறுத்தவரை GPF, PPF, SPF, FBF உள்ளிட்ட நல நிதிகளே அடங்கும்.


🛡 CPS பிடித்தத்தினை 80CCD-ல் தான் கழிக்க வேண்டும்.


🛡 GPF சந்தாதாரர்களுக்கு 80C-ல் வரும் ரூ.1,50,000/- மட்டுமே கழிக்க இயலும்.


🛡 CPS சந்தாதாரர்களைப் பொறுத்தவரை, 80C & 80CCD-ல் ரூ.1,50,000/-மும் 80CCD(1B)-ல் கூடுதலாக ரூ.50,000/-மும் கழித்துக் கொள்ளலாம்.


🛡 80D-ல் NHIS பிடித்தத்தைக் கழிப்பதோடு, குடும்ப உறுப்பினர்களுக்கான மருத்துவக் காப்பீடுகளையும் கழித்துக் கொள்ளலாம். மேலும், காப்பீடு செய்துகொள்ளாத 60 வயதிற்கு மேற்பட்ட பெற்றோரின் மருத்துவச் செலவுகளையும் கழிக்கலாம். 80D-ல் மொத்தமாக ரூ.1,00,000/- வரை கழிக்கலாம்.


🛡 80DD-ல் மாற்றுத்திறனாளியைக் குடும்ப உறுப்பினராகக் கொண்டோர் அவர்களுக்கான காப்பீடு & மருத்துவச் செலவாக, இயலாமை % 40-79 எனில் ரூ.75,000/-ம் 80%-ற்கு மேல் எனில் ரூ.1,25,000/- வரையும் கழிக்கலாம்.


🛡 80U-ல் மாற்றுத்திறனாளிக்கான சிறப்புக் கழிவாக, இயலாமை % 40-79 எனில் ரூ.75,000/-மும் 80%-ற்கு மேல் எனில் ரூ.1,25,000/- வரையும் கழிக்கலாம். இப்பிரிவில் குடும்ப உறுப்பினர்களுக்கு கழிக்கக் கூடாது.


🛡 80DDB-ல் நரம்பியல், முடக்குவாதம், புற்றுநோய், எய்ட்ஸ், சிறுநீரகச் செயலிழப்பு, இரத்த ஒழுக்கு, இரத்த சோகை உள்ளிட்ட நோய்களுக்கான சிகிச்சைச் செலவுகளை ரூ.40,000/- அல்லது ரூ.1,00,000/- வரை கழிக்கலாம்.


🛡 80E-ல் குடும்பத்தாரின் 8-வருடங்களுக்குட்பட்ட உயர்கல்விக் கடனுக்கான வட்டியை முழுமையாகக் கழிக்கலாம்


🛡 80EEB-ல் மின்சாரத்தில் இயங்கும் போக்குவரத்துச் சாதனங்களை (ஏப்ரல் 2019 - மார்ச் 2023) கடனில் வாங்கியதற்கான வட்டியைக் கழிக்கலாம்.


🛡 80G-ல் தனியார் தொண்டு நிறுவனங்களுக்கான நன்கொடையில் 50%-மும் அரசு நிவாரண உதவிகளுக்கான நன்கொடையில் 100%-மும் கழிக்கலாம்.


🛡 80GGA-ல் அறிவியல் ஆராய்ச்சி / கிராமப்புற வளர்ச்சிக்கான நன்கொடையில் 100% கழிக்கலாம்.


🛡 80GGC-ல் அரசியல் கட்சிகளுக்கான நன்கொடையில் 100% கழிக்கலாம். (ஊதியத்தில் 10% வரை நன்கொடையாக வழங்கலாம்)


🛡 மேற்கண்ட அனைத்துக் கழிவுகளும் போக வரிக்கான நிகர வருமானம் ரூ.5,00,000/- வரை வருவோருக்கு, வருமான வரியில் சிறப்புக் கழிவாக ரூ.12,500/- அனுமதித்துள்ளதால் வரிக்கான நிகர வருமானம் ரூ.5,00,000/- வரை உள்ளோருக்கு வருமான வரி வராது.


🛡 வரிக்கான நிகர வருமானம் ரூ.5,00,000/-க்கும் மேல் வருவோருக்கு,*
*2,50,001 - 5,00,000.  = 5%

*5,00,001 - 10,00,000 = 20%

*10,00,001-ற்கு மேல் = 30%
*வருமான வரி செலுத்த வேண்டும்.

2 comments:

  1. HRA deductable?not own house and not taken Housing loan.

    ReplyDelete
    Replies
    1. If you are staying in rental house as tenant and producing proper rental receipt it will be consider as Tax exemption provided the HRA ,you are getting in salary head

      Delete

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி