தமிழக அரசு ஊழியர் வாகனம் வாங்க இனி முன் அனுமதி தேவையில்லை - புதிய டிஜிட்டல் நடைமுறை அமல்

 

இனி வாகனப் பரிவர்த்தனை தகவல்களை ‘கலஞ்சியம்’ போர்டல் வழியாகவே எளிதாகப் பதிவு செய்யலாம் என்றும், இதற்காகப் பழைய காகித முறையைப் பின்பற்றத் தேவையில்லை என்றும் உத்தரவு பிறப்பிக்கப்பட்டுள்ளது.

தமிழக அரசு அரசு ஊழியர்களுக்கான தேவைகளை பூர்த்தி செய்ய டிஜிட்டல் முறை ஒன்றை அறிமுகப்படுத்தியுள்ளது. தமிழக அரசு ஊழியர்கள் தங்களின் தனிப்பட்ட தேவைகளுக்காக வாகனங்கள் வாங்குவது மற்றும் விற்பனை செய்வது தொடர்பான நடைமுறைகளில் இருந்த சிக்கல்களைக் கலைந்து, முழுமையான டிஜிட்டல் முறையை தமிழக அரசு அறிமுகப்படுத்தியுள்ளது. இனி வாகனப் பரிவர்த்தனை தகவல்களை ‘கலஞ்சியம்’ போர்டல் வழியாகவே எளிதாகப் பதிவு செய்யலாம் என்றும், இதற்காகப் பழைய காகித முறையைப் பின்பற்றத் தேவையில்லை என்றும் தலைமைச் செயலாளர் என். முருகானந்தம் அதிரடி உத்தரவு பிறப்பித்துள்ளார்.

தமிழ்நாடு அரசாங்கம் அரசு ஊழியர்கள் தங்கள் தனிப்பட்ட தேவைகளுக்காக வாகனங்களை கையகப்படுத்துதல் மற்றும் அப்புறப்படுத்துதல் தொடர்பான நடைமுறைகளை மேலும் எளிமைப்படுத்தும் வகையில், ஒருங்கிணைந்த நிதி மற்றும் மனிதவள மேலாண்மை அமைப்பு (IFHRMS) போர்டல் அல்லது ‘கலஞ்சியம்’ வழியாக முழுமையான டிஜிட்டல் தகவல் பரிமாற்ற முறையை அறிமுகப்படுத்தியுள்ளது.

தலைமைச் செயலாளர் என். முருகானந்தம் பிறப்பித்துள்ள உத்தரவின்படி, இதுவரை பின்பற்றப்பட்ட காகித அடிப்படையிலான அறிக்கை சமர்ப்பிக்கும் முறை முழுமையாக ரத்து செய்யப்பட்டு, இனி அனைத்து தகவல்களும் ஆன்லைன் முறையில் பதிவு செய்யப்பட வேண்டும் என அறிவிக்கப்பட்டுள்ளது. அரசு ஊழியர்கள் வாகனங்களை வாங்குவது அல்லது விற்பனை செய்வது போன்ற பரிவர்த்தனைகளின் மொத்த மதிப்பு அவர்களின் மொத்த ஊதியத்தின் மூன்று மாதத் தொகையை விட அதிகமாக இருந்தால், அவை கட்டாயமாக வெளிப்படுத்தப்பட வேண்டும். இந்த சுய அறிவிப்பு பரிவர்த்தனை நடைபெற்ற நாளில் இருந்து ஒரு மாதத்திற்குள் IFHRMS போர்டலில் அரசால் நிர்ணயிக்கப்பட்ட வடிவத்தில் சமர்ப்பிக்கப்பட வேண்டும் என்றும், இதற்காக முன் அனுமதி பெற தேவையில்லை என்றும் தெளிவுபடுத்தப்பட்டுள்ளது.

குறிப்பாக வாகனங்களை வாங்குவதற்காக வங்கிகள், பொது நிதி நிறுவனங்கள் அல்லது பதிவு செய்யப்பட்ட வங்கி சாரா நிதி நிறுவனங்களிடமிருந்து பெறப்படும் கடன்களுக்கு முன் அனுமதி அவசியமில்லை எனவும் கூறப்பட்டுள்ளது. மேலும், இவ்வாறு சமர்ப்பிக்கப்படும் அனைத்து தகவல்களும் பணியாளரின் டிஜிட்டல் சேவை பதிவுடன் தானாக இணைக்கப்பட்டு நிரந்தரமாக சேமிக்கப்படும். இதன் மூலம் சொத்து விவரங்களில் வெளிப்படைத்தன்மை, கண்காணிப்பு மற்றும் பொறுப்புணர்வு அதிகரிக்கும் என்று அரசு வட்டாரங்கள் தெரிவித்துள்ளன. ஊழியர்கள் இந்த கொள்முதல் தனிப்பட்ட சேமிப்புகள் அல்லது சட்டபூர்வமான நிறுவனக் கடன்கள் மூலமே நிதியளிக்கப்பட்டது என்பதை உறுதிப்படுத்தி, விற்பனையாளர் அல்லது தொடர்புடையவர்களுடன் எந்த வித நலவாசி மோதலும் இல்லை என்பதை அறிவிக்க வேண்டும்.

தவறான தகவல் வழங்குதல், உண்மைகளை மறைத்தல் அல்லது விதிமுறைகளை மீறுதல் போன்ற செயல்கள் தமிழ்நாடு சிவில் சர்வீசஸ் (Discipline and Appeal) விதிகளின் கீழ் கடுமையான ஒழுங்கு நடவடிக்கைக்கு உட்படுத்தப்படும் என்றும் எச்சரிக்கப்பட்டுள்ளது. புதிய டிஜிட்டல் நடைமுறையால் நிர்வாக தாமதங்கள் குறையும், தகவல் பரிமாற்றம் வேகமாகும், ஊழியர்கள் மற்றும் துறைகளுக்கு இடையேயான ஒருங்கிணைப்பு மேம்படும் என அரசு அதிகாரிகள் நம்பிக்கை தெரிவித்துள்ளனர்.

நிர்வாகத் தாமதங்களைக் குறைத்து, வெளிப்படைத்தன்மையை அதிகரிக்க அரசு எடுத்துள்ள இந்த டிஜிட்டல் முன்னெடுப்பு, ஊழியர்களிடையே பெரும் வரவேற்பைப் பெற்றுள்ளது. இருப்பினும், தவறான தகவல்களைப் பதிவு செய்பவர்கள் மீது ஒழுங்கு நடவடிக்கை எடுக்கப்படும் என்ற எச்சரிக்கை, இந்த நடைமுறையில் நம்பகத்தன்மையை உறுதி செய்கிறது. மொத்தத்தில், நவீனத் தொழில்நுட்பத்தின் உதவியுடன் அரசுப் பணிகளை வேகப்படுத்தவும், ஊழியர்களின் பணிச்சுமையைக் குறைக்கவும் இந்த புதிய 'கலஞ்சியம்' அப்டேட் ஒரு மைல்கல்லாக அமையும் என்பதில் சந்தேகமில்லை.