திருச்சி பாரதிதாசன் பல்கலைக் கழகத்தில் தொலைநிலைக் கல்வியில் இரண்டாண்டு B.Ed படிப்பிற்கான மாணவர் சேர்க்கை தொடங்கியுள்ளது. இப்படிப்பிற்கு விண்ணப்பிக்க அரசு அங்கீகாரம் பெற்ற பள்ளியில் இரண்டு ஆண்டுகள் பணி புரிந்திருக்க வேண்டும்.தமிழ், ஆங்கிலம், கணிதம், இயற்பியல், வேதியியல், உயிர் வேதியியல், விலங்கியல், சுற்றுச்சூழலியல், கணினி அறிவியல், கணினிபயன்பாட்டியல், தகவல் தொழில்நுட்பம், வரலாறு, புவியியல் உள்ளிட்டபாடப் பிரிவுகளில் இளநிலை பட்டம் பெற்றவராக இருக்க வேண்டும்.முதுநிலையில், பொருளாதாரம், வணிகவியில், மனையியல், அரசியல், சமூகப்பணி, சமூகவியல், உளவியல், தர்க்கம், இந்திய கலாச்சாரம் உள்ளிட்ட பாடப்பிரிவுகளில் முதுநிலைப் பட்டம் பெற்றவர்களும் விண்ணப்பிக்கலாம். தமிழக அரசின் இடஒதுக்கீட்டு கொள்கை மற்றும் நுழைவுத் தேர்வின் அடிப்படையில் மாணவர் சேர்க்கை இறுதி செய்யப்படும்.
விண்ணப்பிப்பது எப்படி?
www.bdu.ac.in என்ற இணைய தளம் வழியாக விண்ணப்பங்களை பதிவிறக்கம் செய்து கொள்ளலாம். அல்லது இயக்குநர்,தொலைநிலைக் கல்வி இயக்ககம், பாரதிதாசன் பல்கலைக் கழகம், பல்கலைப் பேரூர் வளாகம், திருச்சி - 620 024 என்ற முகவரிக்கு நேரில் சென்றும் பெறலாம். அல்லது பாரதிதாசன் பல்கலைக் கழக சேர்க்கை மையங்களில் நேரில் சென்று பெற்றுக் கொள்ளலாம்.தேசிய மயமாக்கப்பட்ட வங்கிகளில், CDE, Bharathidasan University, Trichy என்றபெயரில் 500 ரூபாய்க்கு வரைவோலை எடுத்து விண்ணப்பங்களை பெற்றுக் கொள்ளலாம்.ஆகஸ்ட் மாதம் 19-ஆம் தேதிக்குள் விண்ணப்பங்களை பெற்று பூர்த்தி செய்து அனுப்ப வேண்டும். செப்டம்பர் மாதம் 29-ஆம் தேதி காலை 11 மணி முதல் பிற்பகல் 1 மணி வரை நுழைவுத் தேர்வுநடைபெறும். நுழைவுத் தேர்வுகள் சென்னை, கோவை, மதுரை, சேலம், திருச்சி உள்ளிட்ட நகரங்களில் நடைபெறும்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி