மத்திய பட்ஜெட்டில் கல்விக்கான ஒதுக்கீடு.

டெல்லி: நாட்டின் 81வதுபட்ஜெட்டில், 6000 மாதிரிப் பள்ளிகள் 12வது ஐந்தாண்டு திட்டத்தின் கீழ், நாடு முழுவதும் ஏற்படுத்தப்படுமென்று தெரிவிக்கப்பட்டுள்ளது. நாடாளுமன்றத்தில் இன்று தாக்கல் செய்யப்பட்ட மத்திய பட்ஜெட்டில் கல்வித் துறைக்கென்று ஒதுக்கீடுகள் மற்றும்சில சலுகைகள் அறிவிக்கப்பட்டுள்ளன.அவை பின்வருமாறு; * 12வது ஐந்தாண்டு திட்டத்தில், மொத்தம் 6000 மாதிரிப் பள்ளிகள்நாடு முழுவதும் தொடங்கப்படும். * கல்வி உரிமைச் சட்டம்(RTE) - சர்வ சிக்சா அபியான்(SSA) திட்டத்திற்காக, இந்த 2012-13 நிதியாண்டில் ரூ.25,555 கோடி ஒதுக்கப்பட்டுள்ளது. இது கடந்தாண்டை விட 21.7% அதிகம். * ராஷ்ட்ரிய மத்யமிக் சிக்சா அபியான்(RMSA) திட்டத்திற்கு இந்தாண்டு ரூ.3124 கோடிகள் ஒதுக்கப்பட்டுள்ளது. இது, கடந்தாண்டைவிட 29%அதிகம். * மாணவர்களுக்கு எளிதான முறையில் கல்விக்கடன் கிடைக்க, கடன் உத்திரவாத நிதியம் ஏற்படுத்தப்படும். * பள்ளிக் கல்விக்கு சேவை வரியிலிருந்து விலக்கு அளிக்கப்பட்டுள்ளது. * 7 மருத்துவக் கல்லூரிகள் தேசிய மருத்துவ ஆராயச்சி மையங்களாக தரம் உயர்த்தப்படும். * பள்ளிகளின் மதிய உணவுதிட்டத்திற்கு ரூ.11000 கோடி ஒதுக்கப்பட்டுள்ளது. இதுபோன்ற சில சலுகைகள், மிக முக்கியமான துறையான கல்வித்துறைக்கு அளிக்கப்பட்டுள்ளன.