ஆசிரியர் தகுதித் தேர்விற்குத் தயாராகும் பட்டதாரிகளுக்கான சிறப்புப் பயிற்சிகள் துவக்கம்.

2013-ஆம் ஆண்டிற்கான ஆசிரியர் தகுதித் தேர்விற்குத் தயாராகும் பட்டதாரிகளுக்கான சிறப்புப் பயிற்சிகள் தொடங்கியுள்ளன. தமிழகத்தில் முதன்முதலாக ஆசிரியர் தகுதித் தேர்வு கடந்த வருடம் நடத்தப்பட்டது.அந்தத் தேர்வில் காலியிடங்களையும் விடக் குறைந்த தேர்வர்களே தேர்ச்சி பெற்றனர். 6 1/2 லட்சம் பேர் எழுதிய ஆசிரியர் தகுதித் தேர்வில் 6 லட்சத்திற்கும் மேற்பட்டோர் தோல்வி அடைந்தனர். எனவே இந்த வருடம் நடக்கவிருக்கும் தகுதித் தேர்விற்கும் போட்டிகள் அதிகமுள்ள நிலையில், சென்னையைச் சேர்ந்த டாக்டர் அம்பேத்கர் கல்வி - வேலைவாய்ப்பு பயிற்சி மையம் சார்பில் பயிற்சிகள் வழங்கப்படுகின்றன.இந்த இலவசப் பயிற்சியில் தாழ்த்தப்பட்ட மற்றும் பழங்குடியின் வகுப்பைச் சேர்ந்தவர்கள் கலந்து கொள்ளலாம். முதல் நாள் பயிற்சிக்கு 250-க்கும் மேற்பட்டோர் பதிவு செய்துள்ளனர். சென்னை தவிர, வேறு மாவட்டங்களில் இருந்தும் பயிற்சிகள் பெற பலரும் விண்ணப்பித்துள்ளதால், மற்ற மாவட்டங்களிலும் விரைவில் இலவச பயிற்சி முகாம் தொடங்கப்படும் என அம்பேத்கர் கல்வி - வேலைவாய்ப்பு பயிற்சி மையம் சார்பில் தெரிவிக்கப்பட்டுள்ளது.வாரம்தோறும் சனி மற்றும் ஞாயிறுகளில் நடைபெறும் இந்தப் பயிற்சியில் எப்போது வேண்டுமானாலும் பதிவு செய்து இணைந்து கொள்ளலாம் என அதன் ஒருங்கிணைப்பாளர்கள் தெரிவித்துள்ளனர்.