பள்ளி மாணவர்களுக்கு கற்றல் அடைவுத் திறன் தேர்வு.

பரங்கிப்பேட்டை ஒன்றிய உயர் தொடக்கப் பள்ளி மாணவர்களுக்கு மாநில அளவிலான கற்றல் அடைவுத் திறன் தேர்வுகள் நடத்தப்பட்டது.அனைவருக்கும் கல்வி இயக்கம் சார்பில்
பரங்கிப்பேட்டை ஒன்றியத்தில் உள்ள அரசு மற்றும் உதவிபெறும் உயர் தொடக்கப் பள்ளி மாணவ, மாணவிகளுக்கு மாநில அளவிலான கற்றல் அடைவுத் திறன் தேர்வுகள் நான்கு நாட்கள் நடத்தப்பட்டன.மூன்றாம் வகுப்பு, ஐந்தாம் வகுப்பு மற்றும் எட்டாம் வகுப்பு மாணவ, மாணவிகளுக்குதமிழ், ஆங்கிலம், கணிதம் ஆகிய பாடங்களில் கற்றல், எழுதுதல், பேசுதல், வாசித்தல், நினைவுத் திறன் போன்ற பல்வேறு அடிப்படை தேர்வுகள், பரங்கிப்பேட்டை ஒன்றியத்தைச் சேர்ந்த அனைத்து பள்ளிகளிலும் நடத்தப்பட்டது.

இத்தேர்வினை வட்டார வளமைய பொறுப்பு மேற்பார்வையாளர் பாலமுருகன், ஆசிரியர் பயிற்றுனர்கள், சிறப்பு ஆசிரியர்கள் நடத்தினர். மாநில திட்ட இயக்குனர் லதா, கூடுதல் முதன்மைக் கல்வி அலுவலர் அருண்மொழிதேவி, உதவி திட்ட அலுவலர் வெங்கடேசன், மாவட்ட ஒருங்கிணைப்பாளர்கள், பரங்கிப்பேட்டை உதவி தொடக்கக் கல்வி அலுவலர் குமார், கூடுதல் உதவி தொடக்கக் கல்வி அலுவலர் சரஸ்வதி லட்சுமி ஆகியோர் பார்வையிட்டு ஆய்வு செய்தனர்.