ஜாமின் கோரி ஜெயலலிதா சார்பில் உச்சநீதிமன்றத்தில் மனுத்தாக்கல்

ஜாமினில் விடுவிக்கக் கோரி, பெங்களூரு சிறையில் உள்ள அதிமுக பொதுச்செயலாளர் ஜெயலலிதா தரப்பில் உச்சநீதிமன்றத்தில் மனுத்தாக்கல் செய்யப்பட்டுள்ளது.
ஜெயலலிதா தரப்பில் அவரது வழக்கறிஞர்கள் உச்சநீதிமன்ற பதிவாளரிடம் ஜாமின் மனுவை தாக்கல் செய்தனர்.

உடல்நிலை, வயது அடிப்படையில் ஜாமின் வழங்க கோரிக்கை விடுவிக்கப்பட்டுள்ளது. இந்தவழக்கிற்கு, தாம் முதலமைச்சராக இருந்த காலக்கட்டத்தில் எந்த இடையூறும் ஏற்படுத்தவில்லை என்றும், தற்போது முதல்வர் பதவியில் இல்லாததால், தம்மால் எவ்விததடையும் ஏற்படாது என்றும் ஜெயலலிதா தரப்பில் உறுதி அளிக்கப்பட்டுள்ளது.மேலும் சொத்து குவிப்பு வழக்கில் பெங்களூரு சிறப்பு நீதிமன்றம் அளித்த தீர்ப்பைநிறுத்தி வைக்கவும், இந்த மனுவில் கோரிக்கை விடுக்கப்பட்டுள்ளது.

தற்போது தாக்கல் செய்யப்பட்டுள்ள மனுவை அவசர வழக்காக விசாரிக்க உச்சநீதிமன்ற தலைமை நீதிபதியிடம் ஜெயலலிதாவின் வழக்கறிஞர்கள் கோரிக்கை வைக்க உள்ளனர். இதனையடுத்துஜாமின் மனு மீது எப்போது விசாரணை நடைபெறும் என்பது இன்று தெரியவரும்.

இந்நிலையில் சசிகலா, இளவரசி, சுதாகரன் ஆகியோர் தரப்பில் ஜாமின் கேட்டு மனுக்கள் தாக்கல் செய்யப்படவில்லை. இருப்பினும் இந்த மூவர் சார்பிலும் உச்சநீதிமன்றத்தில் விரைவில் மனுதாக்கல் செய்யப்படும் என தகவல்கள் தெரிவிக்கின்றன.

முன்னதாக சொத்துக்குவிப்பு வழக்கில் 4 ஆண்டு சிறை தண்டனை பெற்ற ஜெயலலிதா உட்பட4 பேரும், கடந்த மாதம் 27ஆம் தேதி முதல் பெங்களூரு பரப்பன அக்ரஹாரா மத்திய சிறையில் அடைக்கப்பட்டுள்ளனர்.