கடலோர மாவட்டங்களில் நாளை மற்றும் நாளை மறுதினம் கனமழை பெய்யும் : வானிலை ஆய்வு மையம் தகவல்

காற்றழுத்த தாழ்வு பகுதி காரணமாக, தமிழகத்தின் தென் மாவட்டங்களிலும், வட மாவட்டங்களிலும் இன்று முதல் பரவலாக மழை பெய்யும் என சென்னை வானிலை ஆய்வு மையம்தெரிவித்துள்ளது.
இந்திய பெருங்கடலை ஒட்டியும், தென் மேற்கு வங்கக்கடலை ஒட்டியும் நிலவி வந்த குறைந்த காற்றழுத்த தாழ்வுப்பகுதி, மேற்கு நோக்கி நகர்ந்து இலங்கை அருகே நிலை கொண்டுள்ளது. இதன் காரணமாக, தமிழகத்தின் தென் மாவட்டங்களில் சில இடங்களிலும், வடமாவட்டங்களில் ஓரிரு இடங்களிலும் மழை பெய்யும் என வானிலை ஆய்வு மையம் தெரிவித்துள்ளது.

படிப்படியாக மழையின் அளவு அதிகரித்து, கடலோர மாவட்டங்களில் நாளை மற்றும் நாளை மறுதினம் கனமழை பெய்யும் என கூறப்பட்டுள்ளது.