பள்ளி செல்லா பிற மாநில குழந்தைகள் உடுமலை பகுதியில் அதிகம் - Kalviseithi - No:1 Educational website in Tamilnadu

Apr 26, 2015

பள்ளி செல்லா பிற மாநில குழந்தைகள் உடுமலை பகுதியில் அதிகம்

உடுமலையில், அனைவருக்கும் கல்வி இயக்கம் சார்பில் நடந்த, பள்ளி செல்லாக்குழந்தைகள் கணக்கெடுப்பில், பிற மாநில குழந்தைகளின் எண்ணிக்கை அதிகரித்துள்ளது.

கட்டாயக்கல்வி உரிமைச் சட்டத்தின் படி, 6 முதல், 14 வயது வரை உள்ள குழந்தைகள், கட்டாயம் பள்ளி யில் சேர்க்கப்படுகின்றனர். பள்ளியில் சேர்க்கப்படாத குழந்தைகள் குறித்து, அனைவருக்கும் கல்வி இயக்கம் சார்பில், ஆண்டுதோறும் ஆய்வு நடத்தப்பட்டு, கல்வியாண்டு துவக்கத்தில் அக்குழந்தைகளும் பள்ளிகளில் சேர்க்கப்படுகின்றனர். நடப்பாண்டில், 1ம் தேதி முதல், பள்ளி செல்லா குழந்தைகள் கணக்கெடுப்பு குறித்த ஆய்வு நடக்கிறது. இதில், உடுமலையில் பிற மாநில குழந்தைகள் அதிக எண்ணிக்கையில், பள்ளி செல்லாமல் இருப்பது கண்டறியப்பட்டுள்ளது.

அனைவருக்கும் கல்வி இயக்கத்தினர் கூறியதாவது: உடுமலை பகுதியில், கடந்தாண்டு மாணவர் சேர்க்கையின் போது, 25 பிற மாநில குழந்தைகள் கண்டறியப்பட்டிருந்தனர். நடப்பாண்டில் தற்போதே, 24 பேர் கண்டறியப்பட்டுள்ளனர். பீகார், ஒடிசா, மேற்கு வங்கம் உள்ளிட்ட மூன்று மாநிலங்களிலிருந்து பல குடும்பத்தினர், கோழிப்பண்ணை மற்றும் நார் தொழிற்சாலை வேலைக்காக வந்துள்ளனர். இக்குழந்தைகளுக்கு, அவர்களின் தாய்மொழி அறிந்த ஆசிரியர்களைக் கொண்டு கல்வி கற்பிப்பதையே, பெற்றோர் விரும்புகின்றனர். இம்மாணவர்களின் கல்வியை மேம்படுத்த, கல்வித்துறை உரிய நடவடிக்கை எடுக்க வேண்டும். இவ்வாறு, அவர்கள் கூறினர்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி