தில்லியில் ஒரு நாள் ஆசிரியராகிறார் குடியரசுத் தலைவர் பிரணாப் முகர்ஜி

தில்லியில் ஒரு நாள் ஆசிரியராகப் பாடம் எடுக்க உள்ளார் குடியரசுத் தலைவர் பிரணாப் முகர்ஜி. இது மாணவர்கள் மத்தியில் பெரும் எதிர்பார்ப்பை ஏற்படுத்தியுள்ளது.


தில்லியில் உள்ள ராஜேந்திர பிரசாத் சர்வோதய வித்யாலயா பள்ளியின் பிளஸ் 1 மற்றும் பிளஸ் 2 வகுப்பைச் சேர்ந்த 100 மாணவர்களுக்கு, செப்டம்பர் 4-ம் தேதி குடியரசு தலைவர் பிரணாப் முகர்ஜி பாடம் எடுக்க உள்ளார். அத்துடன் அங்கு சுமார் 100 ஆசிரியர்கள் மத்தியிலும் உரையாற்ற உள்ளார்.இதை, தில்லி முதல்வர் கெஜ்ரிவால் கேட்டுக்கொண்டதன் பேரில் பிரணாப் இந்த ஒப்புதலைவழங்கியுள்ளார். அதற்கு அடுத்த நாள் செப்டம்பர் 5 ஆசிரியர் தினம் என்பது குறிப்பிடத்தக்கது.