TNPSC குரூப்-2ஏ தேர்வு : இணையதளத்தில் நுழைவுச்சீட்டை பதிவிறக்கம் செய்யலாம்.

தமிழ்நாடு அரசுப் பணியாளர் தேர்வாணை யத்தின் குரூப் 2ஏ தேர்வுக்கான நுழைவுச்சீட்டை இணையதளத்திலேயே பதிவிறக்கம் செய்யலாம் என்று தேர்வுக்கட்டுப்பாடு அலுவலர் ஷோபனா அறிவித்துள்ளார்.இதுகுறித்து அவர்விடுத்துள்ள செய்திக்குறிப்பு வருமாறு:


தமிழ்நாடு அரசுப் பணியாளர் தேர்வாணை யம் (டி.என்.பி.எஸ்.சி.) வருகிற ஜனவரி 26ஆம் தேதி முற்பகல், ஒருங்கிணைந்த குடிமை பணிகள் தொகுதி ஐஐ-அ (நேர்காணல் அல்லாத பதவிகள்)-ல் அடங்கிய 1,947 காலிப்பணியிடங்களுக்கான எழுத்துத் தேர்வினை நடத்தவுள்ளது.8.50 லட்சத்திற்கும் மேற்பட்ட விண்ணப் பங்கள் இத்தேர்வுக்காக பெறப்பட்டுள்ளன. சரியான முறையில் விவரங்களை பதிவு செய்து, உரிய விண்ணப்பக் கட்டணம் மற்றும் தேர்வுக் கட்டணம் செலுத்திய விண்ணப்பதாரர்களுக்கு தேர்வுக்கூட நுழைவுச்சீட்டு தமிழ்நாடு அரசுப்பணியாளர் தேர்வாணையத்தின் இணையதளத்தில் வெளியிடப்பட்டுள்ளது.மேற்படி பதவிக்கு விண்ணப்பித்த விண்ணப்பதாரர்கள் தங்களது பதிவு எண்ணைடி.என்.பி.எஸ்.சி. இணைதளத்தில் உள்ளீடு செய்து, நுழைவுச் சீட்டினை பதிவிறக்கம் செய்து கொள்ளலாம்.நுழைவுச்சீட்டு கிடைக்கப்பெறாத விண்ணப்பதாரர்கள், தங்களது விண்ணப்பம் நிராகரிக்கப்பட்டுள்ளதா என்பதைநிரா கரிப்பு பட்டியலில் கண்டறியுமாறு கேட்டுக் கொள்ளப்படுகிறார்கள்.

நிராகரிப்பு பட்டியலில் இடம்பெறாத, சரியான முறையில் விண்ணப்பங்களைப் பதிவு செய்து, உரிய விண்ணப்பக் கட்டணம் செலுத்தியும் நுழைவுச்சீட்டு கிடைக்கப்பெறாத, தகுதியான விண்ணப்பதாரர்கள் தாங்கள் பணம் செலுத்தியதற்கான செலுத்துச் சீட்டின் நகலுடன் கீழ்கண்ட விவரங்களை தேர்வாணையத்தின் மின்னஞ்சல் முகவரியில் ஜனவரி 19ஆம் தேதிக்குள் அனுப்புமாறு கேட்டுக் கொள்ளப்படுகிறார்கள்.இவ்வாறு அந்த செய்திக் குறிப்பில் கூறப் பட்டுள்ளது.