RTE - மாணவர்களுக்கான கல்விச் செலவு நிலுவை தொகை வழங்க உத்தரவு. - Kalviseithi - No:1 Educational website in Tamilnadu

Jul 21, 2020

RTE - மாணவர்களுக்கான கல்விச் செலவு நிலுவை தொகை வழங்க உத்தரவு.


தனியார் பள்ளிகளில், 25 சதவீத இடங்களில் சேர்க்கப்பட்ட ஏழை, எளிய மாணவர்களுக்கான, கல்வி செலவு நிலுவை தொகையை, ஆறு வாரங்களில் வழங்கும்படி, அரசுக்கு சென்னை உயர் நீதிமன்றம் உத்தரவிட்டுள்ளது.

தமிழ்நாடு நர்சரி, பிரைமரி, மெட்ரிக், மேல்நிலைபள்ளிகள் சங்கம் சார்பில், தாக்கல் செய்யப்பட்ட மனு:கல்வி பெறும் உரிமை சட்டத்தின்படி, ஒவ்வொரு தனியார் பள்ளியிலும், 25 சதவீத இடங்கள், ஏழை, எளிய மாணவர்களுக்கு ஒதுக்கப்பட வேண்டும். இவர்களுக்கான கல்வி கட்டணத்தை, அரசு ஏற்க வேண்டும்.கடந்த, 2016 - 17ல், ஒரு மாணவருக்கான கல்வி செலவு தொகை, 25 ஆயிரம் ரூபாயாக நிர்ணயிக்கப்பட்டது. அதுவே, அடுத்த கல்வியாண்டில், 11 ஆயிரம் ரூபாயாக குறைக்கப்பட்டது. பள்ளி கல்விக்கான பட்ஜெட்டாக, தமிழக அரசு, 28 ஆயிரம் கோடி ரூபாயை ஒதுக்குகிறது.

அதன்படி, ஒரு மாணவனுக்கு 32 ஆயிரம் ரூபாய், அரசு செலவு செய்கிறது. தனியார் பள்ளிகளில் படிக்கும் மாணவனுக்கான செலவு தொகையை அரசு குறைத்துள்ளதால், எங்களுக்கு பாதிப்பு ஏற்படுகிறது; 25 சதவீத இடங்களில் சேரும் மாணவர்களுக்கான கல்விச் செலவை, சரியாக கணக்கிட வேண்டும்.மேலும், 2017 முதல், 2019 வரையிலான, மாணவர்களுக்கான கல்வி செலவு தொகையை, மறு நிர்ணயம் செய்ய உத்தரவிட வேண்டும். மாணவர்கள் சேர்ந்த பின், ஜூனில், 50 சதவீதம்; டிசம்பரில், 25 சதவீதம்; மீதி தொகையை ஏப்ரலில், தனியார் பள்ளிகளுக்கு வழங்க வேண்டும்.இவ்வாறு, மனுவில் கூறப்பட்டுள்ளது.

மனு, நீதிபதி ஆனந்த் வெங்கடேஷ் முன், விசாரணைக்கு வந்தது. மனுதாரர் சார்பில், மூத்த வழக்கறிஞர் சிலம்பண்ணன், அரசு சார்பில், சிறப்பு பிளீடர் முனுசாமி ஆஜராகி வாதிட்டனர். இதையடுத்து, '2017 முதல், 2020 வரையான கல்வியாண்டில் வழங்க வேண்டிய கல்வி செலவு நிலுவை தொகையை, சம்பந்தப்பட்ட பள்ளிகளுக்கு, ஆறு வாரங்களில், அரசு வழங்க வேண்டும்' என, நீதிபதி உத்தரவிட்டார்.மறு நிர்ணயம் கோரிக்கை குறித்து, அரசு பதில் அளிக்கும்படி, நீதிபதி ஆனந்த் வெங்கடேஷ் உத்தரவிட்டார். விசாரணையை, ஆக., 25க்கு தள்ளி வைத்தார்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி