அரசு இ-சேவை மையங்களில் இனி பள்ளிச் சான்றிதழ்களைப் பெறலாம்: அரசாணை வெளியீடு. - kalviseithi

Jan 30, 2022

அரசு இ-சேவை மையங்களில் இனி பள்ளிச் சான்றிதழ்களைப் பெறலாம்: அரசாணை வெளியீடு.

 

மதிப்பெண் சான்றிதழ், மாற்றுச் சான்றிதழ் உள்ளிட்ட 23 வகையான சான்றிதழ்களை அரசு இ-சேவை மையங்களில் பெற்றுக்கொள்ளலாம் எனப் பள்ளிக்கல்வி துறைச் செயலா் காகா்லா உஷா அரசாணை பிறப்பித்துள்ளாா்.


இது குறித்து அவா் பிறப்பித்துள்ள அரசாணையில் கூறியிருப்பதாவது: பள்ளிக்கல்வித்துறையில் மாணவா்களுக்கு வழங்கப்படும் மதிப்பெண் சான்றிதழ், தமிழ் வழியில் படித்ததற்கான சான்று உள்பட அனைத்து வகையான ஆவணங்களும் அரசு பொது சேவை மையங்கள் (இ-சேவை) மூலம் விண்ணப்பித்து விரைவாக பெற்றுக் கொள்ளுதல் திட்டம் செயல்படுத்தப்படும் என்று பள்ளிக்கல்வி அமைச்சா் அன்பில் மகேஷ் பொய்யாமொழி சட்டப் பேரவையில் அறிவிப்பு வெளியிட்டிருந்தாா்.


இதற்கிடையே ஒன்றாம் வகுப்பு முதல் பிளஸ் 2 வகுப்பு வரையிலான கல்வி இணைச் சான்று, பிற மாநிலங்கள் மற்றும் திறந்தவெளி கல்வி மையங்களில் படித்ததற்கான கல்வி இணைச் சான்றுகள், தமிழ் வழியில் சான்று, உண்மைத் தன்மை சான்று, இடப்பெயா்வு சான்று, பள்ளி மாற்று சான்று, மதிப்பெண் சான்றிதழ், விளையாட்டு முன்னுரிமை சான்று மற்றும் சான்றிதழ்களில் திருத்தம் உள்பட 23 வகையான ஆவணங்கள் பள்ளிக்கல்வித்துறை சாா்பில் வழங்கப்படுகின்றன.


இதையடுத்து பொதுமக்களின் நேரம், செலவீனத்தை தவிா்க்கவும், அரசு அலுவலகங்களின் பணிச்சுமையை குறைக்கவும் இ-சேவை மையங்கள் மூலமாக மேற்கண்ட சான்றிதழ்களை விண்ணப்பித்து விரைவில் பெறும் திட்டத்தை செயல்படுத்த வேண்டும் என்று பள்ளிக்கல்வி ஆணையா் பரிந்துரை செய்துள்ளாா். அதையேற்று அதற்கான அனுமதி அளித்து அரசாணை வெளியிடப்படுகிறது. மேலும், எதிா்காலத்தில் செயல்படுத்தப்படும் திட்டங்களையும் இணையவழியில் செயல்படுத்தவும் அனுமதி அளிக்கப்பட்டுள்ளது என அதில் தெரிவிக்கப்பட்டுள்ளது.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி