புதிய ஓய்வூதியத் திட்டத்தை ரத்து செய்யக்கோரும் வழக்கில் இரண்டு வாரங்களில் எதிர்வாத உரையை தாக்கல் செய்ய தமிழக நிதித்துறை செயலாளருக்கு மதுரை உயர்நீதிமன்றக் கிளை உத்தரவு.
புதிய ஓய்வூதியத் திட்டத்தை ரத்து செய்ய கோரி மதுரை உயர்நீதிமன்ற கிளையில் திண்டுக்கல்லை சேர்ந்த பிரெடெரிக் எங்கெல்ஸ் என்பவரால் தொடரப்பட்ட வழக்கு மதுரை உயர்நீதிமன்றக் கிளை அமர்விற்கு முன்பாக (05.02.2024) விசாரணைக்கு வந்தது. விசாரணையின் போது வழக்கு தாக்கல் செய்யப்பட்டு 12 ஆண்டுகள் ஆகியும் தமிழக நிதித்துறை சார்பில் எதிர்வாத உரை (Counter affidavit) தாக்கல் செய்யாமல் இருப்பது கண்டு அதிர்ச்சி அடைந்த நீதியரசர்கள் இரண்டு வாரங்களில் நிதித்துறை செயலாளர் சார்பில் எதிர்வாத உரை தாக்கல் செய்ய உத்தரவிட்டனர்.
மேலும், வழக்கில் மூன்றாம் பிரதிவாதியான மாவட்ட தொடக்க கல்வி அலுவலர் அவர்களால் 2014 ஆம் ஆண்டு தாக்கல் செய்யப்பட்ட எதிர்வாத உரை நிதித்துறை செயலாளருக்கும் சேர்த்து ஏற்றுக் கொள்ள முடியாது என்றும் தெரிவித்துவிட்டனர். அதேபோல கல்வித்துறை சார்ந்த அரசு வழக்கறிஞர் ஆஜரானபோது இனி நிதித்துறை சார்பில் அரசு வழக்கறிஞர் ஆஜராக வேண்டும் கூறி வழக்கு விசாரணையை இரண்டு வாரங்களுக்கு ஒத்திவைத்தனர்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி