சென்னை பல்கலைக்கழக இளங்கலை, முதுகலை செமஸ்டர் தேர்வுகளுக்கான முடிவுகள் இன்று (வெள்ளிக்கிழமை) இரவு 8 மணிக்கு வெளியிடப்படுகிறது. விடைத்தாள் மறுமதிப்பீட்டுக்கு தகுதியுள்ள மாணவர்கள் மார்ச் 10 முதல் விண்ணப்பிக்கலாம் என அறிவிக்கப்பட்டுள்ளது.
இது தொடர்பாக சென்னை பல்கலைக்கழக பதிவாளர் வி.ஏழுமலை வெள்ளிக்கிழமை வெளியிட்ட செய்திக் குறிப்பு: கடந்த ஆண்டு நவம்பர் மாதம் நடைபெற்ற இளங்கலை, முதுகலை மற்றும் தொழில் படிப்புகளுக்கான தேர்வுகளின் முடிவுகள் வெள்ளிக்கிழமை இரவு 8 மணிக்கு வெளியிடப்படுகின்றன. தேர்வு முடிவுகளை பின்வரும் இணையதள முகவரிகளில் மாணவர்கள் அறிந்துகொள்ளலாம். இணைப்புகள் > www.egovernance.unom.ac.in/results | www.exam.unom.ac.in/results
கடந்த 2022-2023-ம் கல்வி ஆண்டு மற்றும் அதற்கு பின்பு இளங்கலை படிப்புகளில் சேர்ந்த மாணவர்களும், அதேபோல், 2023-2024-ம் கல்வி ஆண்டு மற்றும் அதன் பிறகு முதுகலை படிப்புகள் மற்றும் தொழில் படிப்புகளில் சேர்ந்த மாணவர்களும் விடைத்தாள் மறுமதிப்பீட்டு விண்ணப்பிக்க தகுதியுடையவர் ஆவர். அவர்கள் விடைத்தாள் மறுமதிப்பீடு கோரி மார்ச் 10 முதல் 14-ம் தேதி வரை விண்ணப்பிக்கலாம். கட்டணம் தாள் ஒன்றுக்கு ரூ.1000. கட்டணத்தை ஆன்லைனில் செலுத்திக்கொள்ளலாம்.
அதேபோல், இளங்கலை பயிலும் மாணவர்கள் மறுகூட்டலுக்கு மார்ச் 10 முதல் 14-ம் தேதி வரை ஆன்லைனில் விண்ணப்பிக்கலாம். இதற்கு கட்டணம் தாள் ஒன்றுக்கு ரூ.300. இக்கட்டணத்தையும் ஆன்லைனில் செலுத்திவிடலாம்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி