அரசுப் பள்ளி மாணவர்களுக்கு சிக்கன் பிரியாணி வழங்கும் திட்டம் குறித்து சென்னை தலைமைச் செயலகத்தில் செய்தியாளர்களிடம் அமைச்சர் ராஜ்மோகன் கூறியதாவது: காலை உணவுத் திட்டம் விரிவாக்கத்தால் கூடுதலாக 15.30 லட்சம் மாணவர்கள் பயன்பெறுவார்கள்.
மாணவர்களுக்கு ஊட்டச்சத்து கிடைப்பதன் மூலம் கல்வி வளர்ச்சி அதிகரிக்கும். இதற்காக பல்வேறு துறைகள் ஒருங்கிணைந்து செயல்பட்டு, பள்ளிகளில் சமையலறை, பாத்திரங்கள், கட்டமைப்பு வசதிகளை மேம்படுத்தும் பணிகள் நடந்து வருகின்றன.
புதிய உணவு வகைகள் பட்டியல் உருவாக்க சிறப்புக் குழு அமைக்கப்பட உள்ளது. பள்ளிக் குழந்தைகளுக்கு சிக்கன் பிரியாணி வழங்கலாம் என்ற விருப்பம் முதல்வருக்கு உள்ளது.
இத்திட்டம் பரிசீலிக்கப்பட்டு வருகிறது. சுகாதாரமான முறையில் சிக்கன் பிரியாணி தயாரித்து வழங்குவது குறித்து ஆய்வு செய்து, மாணவர்களுக்கு சிக்கன் பிரியாணி வழங்க ஏற்பாடு செய்யப்படும்.
தமிழகத்தில் எப்போதும் இருமொழிக் கொள்கைதான். அதில் அரசு உறுதியாக உள்ளது. ஓராசிரியர் பள்ளிகளில் மாணவர் - ஆசிரியர் விகிதத்தை சரிசெய்யும் பணி நடந்து வருகிறது என்று அவர் கூறினார்.
ஆக்கபூர்வமான திட்டங்களை செயல்படுத்த மதிப்புமிக்க கல்வி அமைச்சர் ஐயா நடவடிக்கை எடுக்க வேண்டும் , ஏராளமான அரசு பள்ளிகளில் தன்னார்வலர்கள் உதவியுடுன் உதாரணமாக ரோட்டரி கிளப் மற்றும் பல சேவை செய்யும் அமைப்பு மூலமாக தரமான கழிப்பறை வசதி , குடிநீர் வசதி , பள்ளி மாணவர்கள் அமர்ந்து படிக்க நாற்காலிகள் , பள்ளிக்கல்வித்துறையில் வருத்தத்துடன் பணிபுரியும் பலவேறு ஊழியர்கள் நலன் சார்ந்த கோரிக்கைகள் , சத்துணவு சிக்கன் பிரியாணி ஆசை வரவேற்கத்தக்கது. முதலில் தரமான பொன்னி அரிசி சாப்பாடு காய்கறி அதிகமா சேர்த்த சாம்பார் , சாம்பாரில் பருப்பு மட்டுமே பல பள்ளிகளில் , மேலும் நாம் வீட்டில் பயன்படுத்தும் அளவில் உள்ள முட்டை வேண்டும் குருவி முட்டை எதற்காக வாடை வராமல் புதிய முட்டை கிடைக்க நடவடிக்கை தேவை , தரமான காய்கறிகளுடுன் கூட்டு பொரியல் ஏதாவது ஓன்று அவசியம் மாணவர்களுக்கு கீரை உட்பட , பெயருக்கு உணவு சத்துணவு ஆகாது
ReplyDeleteகாய்கறிகள் வாடிவதங்கி இருந்தாலும்கூட மாணவர்களின் உடல்நிலை பாதிக்கப்படாது ஆனால் சிக்கன் வாங்குபவரோ, விற்பவரோ கவனக்குறைவாகவோ அல்லது பேராசைக்காக கெட்டுப்போன சிக்கன் கறியை மாணவர்களுக்கு உணவாக கொடுத்தால்,பல பிரச்சினைகளை சந்திக்க நேரிடும்.மாணவர்களின் உயிரைவிட வேறெதுவும் முக்கியமில்லை
ReplyDeleteஇது தேவையில்லாத வேலை.சில இடங்களில் பணத்திற்கு ஆசைப்பட்டு இறந்து போன பழைய கோழி இறைச்சி குழந்தைகளுக்கு கொடுக்கும் போது உயிர் போகும் அபாயமே ஏற்படுகிறது. அரசு இதனை அமல்படுத்தக் கூடாது
ReplyDelete