பள்ளி மாணவர்கள் ஆளும் கட்சி பெயரை சொல்லி கோஷம் எழுப்பியது தொடர்பாக, பள்ளிக் கல்வித்துறை முதன்மைச் செயலாளர் விசாரிக்க உயர் நீதிமன்றம் உத்தரவிட்டுள்ளது.
மதுரை ஒத்தக்கடையைச் சேர்ந்த தீரன் திருமுருகன் என்பவர், உயர் நீதிமன்ற மதுரை அமர்வில் தாக்கல் செய்த மனுவில் கூறியிருந்ததாவது: சிவகங்கை மாவட்டம் காரைக்குடி அழகப்பா மாதிரி மேல்நிலைப் பள்ளியில் கடந்த ஆகஸ்ட் 3-ம் தேதி நடைபெற்ற அரசு நிகழ்ச்சியில், பள்ளி மாணவர்கள் டிவிகே (தவெக), டிவிகே என கோஷம் எழுப்பும் காட்சிகள் சமூக வலைதளங்களில் வெளியாயின. அந்த வீடியோவில், அமைச்சர் உள்ளிட்டோர் முன்னிலையில் நடைபெற்ற விழாவில் பள்ளி மாணவர்களை கட்டாயப்படுத்தி அரசியல் கட்சியின் பெயரை கோஷமிடச் செய்துள்ளனர்.
மாணவர்கள் அவ்வாறு கோஷங்கள் எழுப்பியபோது, விழாவில் பங்கேற்றவர்கள் யாரும் அதைத் தடுக்க முன்வராதது அதிர்ச்சி அளிக்கிறது. கல்வி நிறுவனங்களில் நடைபெறும் நிகழ்ச்சிகளில் மாணவர்கள் அரசியல் சார்ந்த கோஷங்கள் எழுப்புவதை ஊக்குவிக்கக்கூடாது.
எனவே, கல்வி நிறுவனங்களில் கட்சி சார்ந்த அரசியல் நடவடிக்கைகளை தடுக்கவும், இதுபோன்ற சம்பவங்கள் நடைபெறாமல் இருக்க மாநில அளவிலான நிலையான செயல்பாட்டு நடைமுறையை உருவாக்கவும் உத்தரவிட வேண்டும். இவ்வாறு மனுவில் கூறியிருந்தார்.
இந்த மனுவை நீதிபதிகள் வேல்முருகன், ராமகிருஷ்ணன் அமர்வு நேற்று விசாரித்து, மனுதாரரின் புகார் தொடர்பாக பள்ளிக் கல்வித்துறை முதன்மைச் செயலர் விசாரித்து, 4 வாரத்தில் நீதிமன்றத்தில் அறிக்கை தாக்கல் செய்ய வேண்டும் என உத்தரவிட்டது.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி