அரசு ஊழியர்களின் ஓய்வூதிய விண்ணப்பங்களை நவம்பர் மாதம் முதல் இணைய வழியில் மட்டுமே சமர்ப்பிக்க வேண்டும். அதன் பிறகு பெறப்படும் காகித விண்ணப்பங்கள் மீது எந்த நடவடிக்கையும் எடுக்கப்படாது என்று கருவூலக் கணக்குத் துறை தெரிவித்துள்ளது.
இதுதொடர்பாக கருவூலக் கணக்குத் துறை இயக்குநர் டி.சாரு, துறைசார்ந்த அனைத்து அலுவலர்களுக்கும் அனுப்பியுள்ள சுற்றறிக்கை: முன்னர் அனுப்பப்பட்ட காகித வடிவிலான சில ஓய்வூதிய விண்ணப்பங்கள், அவற்றுக்கான இணைய வழி விண்ணப்பங்கள் பெறப்படுவதற்கு முன்பே தீர்க்கப்பட்டு விட்டதாக தமிழ்நாடு முதன்மைக் கணக்காயர் அலுவலகம் அனுப்பிய கடிதத்தில் தெரிவிக்கப்பட்டிருந்தது. இதனால், ஓய்வூதிய வழக்குகளைச் செயல்படுத்துவதில் முரண்பாடுகள் ஏற்பட்டதாகவும் அதில் குறிப்பிடப்பட்டிருந்தது.
இதையடுத்து, ஓய்வூதிய விண்ணப்பங்களை விரைவாக செயல்படுத்த நவம்பர் முதல் அனைத்துவிண்ணப்பங்களும் இணையவழி ஓய்வூதிய மற்றும் வருங்கால வைப்புநிதி அங்கீகார அமைப்பு (OPPAS) மூலமாக மட்டுமே சமர்ப்பிக்கப்பட வேண்டும் என்று அறிவுறுத்தப்பட்டுள்ளது.
அதன் பிறகு பெறப்படும் காகித விண்ணப்பங்கள் மீது எந்த நடவடிக்கையும் எடுக்கப்படாமல் உடனே திருப்பி அனுப்பப்படும். திருத்திய ஓய்வூதிய விண்ணப்பங்களையும் இணைய வழியில் மட்டுமே சமர்ப்பிக்க வேண்டும். தேவையான அனைத்து சான்றுகளும் உரிய முறையில் இணைக்கப்பட வேண்டும்.
ஓய்வூதியப் பலன்கள் உரிய காலத்தில் வழங்கப்படுவதை உறுதிசெய்ய, தங்கள் கட்டுப்பாட்டில் உள்ள அனைத்து சம்பள அலுவலர்களுக்கும் இந்த அறிவுறுத்தல்களை தெரிவித்து, அவை கண்டிப்பாகப் பின்பற்றப்படுவதை உறுதிசெய்ய வேண்டும். இவ்வாறு அதில் கூறப்பட்டுள்ளது.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி