இந்திய வேலைவாய்ப்புகளில் ஏஐ ஏற்படுத்தும் தாக்கம் குறித்து சென்னை ஐஐடி வெள்ளை அறிக்கை வெளியிட்டுள்ளது.
சென்னை ஐஐடி வாத்வானி தரவு அறிவியல் மற்றும் செயற்கை நுண்ணறிவு நிறுவனத்தின் கீழ் இயங்கும் செயற்கை நுண்ணறிவு பொறுப்பு மையத்தை சேர்ந்த ஆராய்ச்சியாளர்கள், இந்தியாவில் வேலைவாய்ப்புகளில் செயற்கை நுண்ணறிவு ஏற்படுத்தும் தாக்கம் குறித்து ஒரு வெள்ளை அறிக்கையை தயாரித்துள்ளனர்.
ஐஐடியில் நடைபெற்ற ஏஐ ஆளுமை தொழில்துறை மாநாட்டின்போது ஐஐடி இயக்குநர் வீ.காமகோடி இந்த வெள்ளை அறிக்கையை வெளியிட்டார்.
மனிதர்களின் பணிகளை திறம்படச் செய்ய ஏஐ எவ்வாறு உதவுகிறது? தற்போதைய வேலைவாய்ப்புகளை ஏஐ எவ்வாறு மாற்றியமைக்கிறது? புதிய வேலைவாய்ப்புகளை ஏஐ எவ்வாறு உருவாக்குகிறது? என்பது குறித்து இந்த வெள்ளை அறிக்கை விரிவாக விளக்கியுள்ளது.
ஏஐ-யால் ஏற்படும் வேலையிழப்பு குறித்த அச்சம், புதிய வேலைவாய்ப்புகள் கிடைக்காதது பற்றிய கவலைகளையும் இந்த அறிக்கை ஆராய்கிறது.
இந்தியாவில் வேலைவாய்ப்புகளில் ஏஐ ஏற்படுத்தும் தாக்கத்தை பணியின் அடிப்படையில் புரிந்துகொள்ள வேண்டும் என அந்த அறிக்கையில் வலியுறுத்தப்பட்டுள்ளது.
இதுகுறித்து வாத்வானி தரவு அறிவியல் மற்றும் செயற்கை நுண்ணறிவு நிறுவனம் மற்றும் செயற்கை நுண்ணறிவு பொறுப்பு மையத்தின் தலைவர் பேராசிரியர் பலராமன் ரவீந்திரன் கூறும்போது, “வேலைவாய்ப்புகளை ஏஐ தொழில்நுட்பம் பறித்துவிடும் என்று பொதுவாக சொல்லப்படும் கருத்து தவறு என்பதை இந்த வெள்ளை அறிக்கை சுட்டிக்காட்டுகிறது.
வேலைகளில் பலவிதமான பணிகள் உள்ளன. அவற்றில் சிலவற்றை மட்டுமே ஏஐ-யால் செய்ய முடியும். இந்த மாற்றங்களால் பயன்பெறுவோர்-பாதிக்கப்படுவோர் யார் என்பதையும் நாங்கள் ஆராய்ந்துள்ளோம்” என்றார்.
செயற்கை நுண்ணறிவு பொறுப்பு மையத்தின் ஆராய்ச்சி இயக்குநர் கோகுல் எஸ்.கிருஷ்ணன் கூறுகையில், “ஏஐ என்பது தனிப்பட்ட ஒரு பணியை செய்து முடிக்கும். அது ஒட்டுமொத்த தொழிலையும் செய்யாது.
ஒரு பணியை ஏஐ செய்வதால் அந்த வேலை காணாமல் போய்விடாது” என குறிப்பிட்டார். மூத்த ஆலோசகர் கே.எஸ்.வேங்கடராகவன், ‘ஸ்ரீலதா- பிரபாகர் ராகவன் தகவல், சமூக மையத்தின்’ நிர்வாகத் தலைவர் வி.எஸ்.ஸ்ரீவித்யா ஆகியோர் பங்கேற்றனர்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி