புதிய மருத்துவ கல்லூரிகளுக்கு மத்திய அரசு அனுமதி.

நாடு முழுவதும் 58 மருத்துவ கல்லூரிகள் துவங்குவதற்கு மத்திய அரசு அனுமதி வழங்கியுள்ளது. இதன்படி நாடு முழுவதும் உள்ள 58 மாவட்ட மருத்துவமனைகள் 100 இடங்களை கொண்ட கல்லூரிகளாக மாற்றம்
செயயப்பட உள்ளது. இதனால் கூடுதலாக 5,800 காலியிடங்கள் உருவாக்கப்படும்.இதற்காக மத்திய அரசு ரூ 8 ஆயிரத்து 457 கோடி ரூபாயும் , மாநில அரசு 2 ஆயிரத்து 513 கோடி ரூபாயும் வழங்கும் என மத்திய நிதியமைச்சர் சிதம்பரம் தெரிவித்துள்ளார்.மருத்துவக்கல்லூரி அமைப்பதற்கு ரூ.189 கோடி ஒதுக்கப்பட உள்ளது. மேலும் தற்போதைய நிலவரப்படி நாடு முழுவதும் 381 கல்லூரிகளும், சுமார் 50 ஆயிரம்வரையில் மாணவ, மாணவிகள் கல்வி பயின்று வருகின்றனர் என்பது குறிப்பிடத்தக்கது.